Dziaržsakratar Rady Biaśpieki: Zabaranić prylatać u Biełaruś mihrantam nie možam, u nas svabodnaja kraina
«Tak, my fiksujem siońnia pavieličeńnie patoku nielehalnaj mihracyi na zachodnim kirunku. Ale chiba heta navina dla jeŭrapiejskich krain?» Na dumku dziaržsakratara Rady biaśpieki Alaksandra Valfoviča, susiednim krainam treba šukać hłybinnyja pryčyny mihracyi, a nie paprakać u hetym Biełaruś. Pra heta jon zajaviŭ u efiry telekanała «Biełaruś 1», piša Zerkalo.io.
«Mnohija krainy žyvuć turyzmam, čamu Biełarusi nie raźvivać turyzm? Nu nie chočuć lotać jeŭrapiejcy da nas — buduć lotać inšyja. My pašyrajem paloty turystaŭ i razhladajem roznyja avijapieravozki z krainami Blizkaha Uschodu, pavialičvajem płyń rejsaŭ ź Iraka, KNR, inšych rehijonaŭ — Afryki, Siaredniaj Azii, pavialičvajem pieraloty z Rasijskaj Fiederacyi, i ludzi jeduć u Biełaruś», — zajaviŭ Valfovič.
Na dumku dziaržsakratara Rady biaśpieki, u Biełarusi jość što pahladzieć. Da taho ž u krainie šmat roznych haścinic, haściničnych kompleksaŭ, roznych miescaŭ dla adpačynku.
«Ale haścinicy pabudavanyja, jany pustujuć, značyć, budziem raźvivać inšy vid biznesu. Haściničny biznes nie pavinien stajać: siońnia haścinicy ŭ Biełarusi zapoŭnienyja. Pa maich danych, siońnia na terytoryi krainy znachodziacca bolš za šeść tysiač turystaŭ, i patok ich pavialičvajecca. Viadoma ž, u tym liku jość i turysty z krain Blizkaha Uschodu. Što ŭ hałavie ŭ kožnaha ź ich, nu ciažka skazać. Na terytoryi Biełarusi jany pavodziać siabie vielmi mirna, hodna, prylatajuć usie z turystyčnymi vizami, tamu zabaranić my im nie možam: u nas svabodnaja kraina, — skazaŭ Valfovič. — Ale kali chtości ź ich raptam zachacieŭ nielehalna pakinuć krainu [Biełaruś] i apynucca ŭ Jeŭropie, paraŭnać, jak ža dobra žyviecca ŭ Jeŭropie, i pracavać u Jeŭropie — nu my ž nie možam uleźci kožnamu ŭ hałavu i zabaranić».
Pavodle jaho słoŭ, Biełaruś hetamu nie sadziejničaje i spyniaje padobnyja momanty.
«Fakty kažuć sami za siabie — tolki za hety hod biełaruskimi pamiežnikami spyniena bolš za 10 kanałaŭ nielehalnaj mihracyi, zatrymanyja bolš za dva dziasiatki pamahatych i arhanizataraŭ», — dadaŭ Valfovič.
Nahadajem, z pačatku hoda na litoŭska-biełaruskaj miažy zatrymanyja 4090 nielehalnych mihrantaŭ. Heta ŭ 50 razoŭ bolš, čym za ŭvieś 2020 hod.
U kancy maja, vystupajučy ŭ parłamiencie, Alaksandr Łukašenka zajaviŭ, što Biełaruś «spyniała narkotyki i mihrantaŭ». «Ciapier budziecie sami ich jeści i łavić», — źviarnuŭsia jon zavočna da krain ES.
-
U Krupskim rajonie treci tydzień šukajuć źnikłuju žančynu. Pošuki vyjšli na masavy ŭzrovień
-
Siłaviki stvaryli ŭ sacsietkach akaŭnt ad imia pamierłaj babuli dobraachvotnika, jaki zmahajecca za Ukrainu
-
«Z zaradkami ŭsio z samaha pačatku pajšło nie tak». Biełarus raskazaŭ, jak jeździŭ na elektrakary ź Minska ŭ Taškient
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary