«Z taboj, Maryja, pabudujem novuju Biełaruś!» Arcybiskup Kandrusievič pravioŭ u Budsłavie imšu
Uviečary 2 lipienia arcybiskup Tadevuš Kandrusievič uznačaliŭ u Budsłavie imšu dla pilihrymaŭ, paviedamlaje catholic.by.
catholic.by
Na imšy prysutničali niekalki tysiač viernikaŭ, a razam z Tadevušam Kandrusievičam celebravali imšu biskupy Aleh Butkievič, Kazimir Vielikasielec, Juryj Kasabucki, apostalski vizitatar dla biełaruskich hreka-katolikaŭ archimandryt Siarhiej Hajek, niekalki dziasiatkaŭ śviataroŭ z usich dyjacezij Biełarusi i ź niekalkich manaskich supolnaściaŭ.
«Siońnia la padnožža Apiakunki Biełarusi Maci Božaj Budsłaŭskaj my prosim Jaje apieki dla Kaścioła ŭ našaj krainie, dla nas samich i našaj Baćkaŭščyny, jakaja pieražyvaje składany čas pandemii karanavirusu i hramadska-palityčnaha kryzisu. Da ich niečakana dałučyŭsia pažar Budsłaŭskaha sanktuaryja», — zaznačyŭ arcybiskup Tadevuš Kandrusievič. Jon nahadaŭ, što Boh zaklikaje ludziej daviarać Jamu i Jahonaj lubovi.
Svaju pramovu arcybiskup Kandrusievič zaviaršyŭ karotkim malitoŭnym zaklikam da Baharodzicy: «Maryja, u hety losavyznačalny čas našaj historyi vyprasi nam łasku davieru biaźmiežnaj Božaj lubovi, miłasernaści i Božamu Providu <…>. Z taboj, Maryja, pojdziem u novaje zaŭtra! Z taboj sumiesna adbudujem pryśviečanuju Tabie Budsłaŭskuju śviatyniu! Z Taboj pabudujem novuju ščaślivuju Biełaruś!»
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary