Pra heta zajaviŭ kiraŭnik dziaržavy padčas sustrečy z hubiernataram Rastoŭskaj vobłaści.
Biełaruś nikoli nie zajaŭlała, što hatova addać rasijskamu boku małočnyja zavody ŭ abmien na kredyty abo na jakich‑niebudź inšych umovach.
Ab hetym zajaviŭ prezident Biełarusi Alaksandr Łukašenka siońnia na sustrečy z hubiernataram Rastoŭskaj vobłaści Uładzimiram Čubam.
Pavodle słoŭ kiraŭnika dziaržavy, uviazvańnie vydačy kredytu z pryvatyzacyjaj biełaruskich pradpryjemstvaŭ rasijskim kapitałam — hłupstva i insinuacyi.
Kali vy nie chočacie davać $500 młn., što ž, abydziemsia bieź ich, — skazaŭ Alaksandr Łukašenka.
— Ale vy abiacali. Biełaruski bok, naprykład, śviata vykonvaje svaje abiacańni».
«Ja nikoli nie abiacaŭ, što ŭzamien na niešta addam 17 małakapierapracoŭčych zavodaŭ, — padkreśliŭ Alaksandr Łukašenka. — Ja navat Miadźviedzievu z kryŭdaj skazaŭ: chiba možna takija ŭmovy stavić.
Maŭlaŭ, voś vy na rynak pastaŭlajecie svaju pradukcyju, addajcie nam svaje zavody. Ale ž my, biełarusy, sami hetyja zavody madernizavali, i hetyja pradpryjemstvy siońnia akcyjaniravany i znachodziacca faktyčna ŭ pryvatnych rukach, u vytvorcy».
«Kredyty my atrymali absalutna nie źviazanyja ź niejkimi ŭmovami ab pryvatyzacyi zavodaŭ.Rasijskija kredyty dla nas bolš darahija, čym kredyty MVF. Nam paabiacali $2 młrd., a $500 młn., kažuć, nie addadzim. Navošta tady abiacali?» — aburyŭsia Prezident Biełarusi.
Alaksandr Łukašenka nahadaŭ, što niadaŭna ŭ jaho adbyłasia razmova z pradstaŭnikami rasijskaha i biełaruskaha kapitału, jaki pracuje ŭ biełaruskaj naftapierapracoŭčaj halinie. I tady jon prapanavaŭ, kab praviły hulni na naftavym rynku vypracoŭvali nie ŭradavyja čynoŭniki, a pradstaŭniki kampanij, jakija siaduć za adzin stoł z uradam.
Heta prapanova biełaruskaha lidera była pryniata biźnies‑kołami, a krychu paźniej u rasijskich ŚMI prajšli zajavy, što, maŭlaŭ, Łukašenka składaje śpis pastaŭščykoŭ i heta jašče adzin udar pa Rasii. «Akramia taho, ja prapanavaŭ pa pryvatyzacyi NPZ: kali vy chočacie vieści pryvatyzacyju naftapierapracoŭčaha kompleksu, ja hatovy abmiarkoŭvać hetu temu z tymi, chto ŭžo daŭno pracuje ŭ hetaj śfiery.
Ja im paabiacaŭ: davajcie try hady papracujem tak, jak vy dumajecie pracavać na pryvatyzavanym pradpryjemstvie. Kali z vašaha boku ŭsio budzie narmalna i takija pazicyi vas zadavolać, to praz try hady budziem zajmacca pryvatyzacyjaj taho abo inšaha zavoda.
Ale davajcie try hady papracujem, kab my ŭbačyli, jak heta budzie, tamu što pytańnie dla Biełarusi vielmi vostraje», — raskazaŭ Alaksandr Łukašenka.
«Usie zhadzilisia. Potym čynoŭniki havorać: Rasii nie vyhadna. Što tut niavyhadnaha?» — dadaŭ kiraŭnik dziaržavy.
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam4
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ66
Kamientary