Kiraŭnik palotaŭ nie mienš za 10 razoŭ u efir skazaŭ: «Katapultujsia!» Apublikavanyja pieršyja źviestki samapiscaŭ Jak-130

Pra heta raspavioŭ kamandujučy VPS i vojskami SPA Biełarusi Ihar Hołub.

«Užo dakładna mahu skazać: avaryjnaja situacyja adbyłasia ŭ haryzantalnym palocie samalota Jak-130 nad aeradromam Baranavičy. Ekipaž paśla ŭźniknieńnia avaryjnaj situacyi paviedamiŭ kiraŭniku palotaŭ pra admovu sistemy kiravańnia, što paćviardžajecca materyjałami kantrolu čornych skryń», — skazaŭ Ihar Hołub.

«U takoj situacyi, zhodna z patrabavańniami dakumientaŭ, a mienavita kiraŭnictva pa lotnaj ekspłuatacyi samalota Jak-130, ekipaž abaviazany byŭ pakinuć samalot — katapultavacca. Kiraŭnik palotaŭ nie mienš za 10 razoŭ u efir padaŭ kamandu: «Katapultujsia! Katapultujsia! Skačy!». U hety čas samalot pierajšoŭ u niekiravany chaatyčny ruch i jaho trajektoryja pačała ŭchilacca naleva, h. zn. u bok horada».

«Ekipaž nie pakinuŭ samalot, praciahvaŭ zmahacca i jamu ŭdałosia pierajści na reziervovuju sistemu kiravańnia. U hetym vypadku reziervovaja sistema dazvoliła stabilizavać tolki kirunak palotu, i ekipažu ŭdavałasia źmianiać kirunak palotu, ale nie vyšyniu — vyšynia praciahvała intensiŭna padać. Jak pakazvajuć srodki abjektyŭnaha kantrolu, ad momantu stvareńnia avaryjnaj situacyi da padzieńnia samalota ŭ punkt prajšło krychu bolš za chvilinu.

U hetych umovach niejmaviernymi namahańniami na vyšyni kala dzieści 50 mietraŭ (bolš dakładna, my rasšyfrujem, paviedamić paśla zakančeńnia rasśledavańnia ŭžo staršynia dziaržaŭnaj kamisii) ekipažu ŭdałosia vyraŭniać, stabilizavać kirunak palotu niejmaviernymi namahańniami i nakiravać samalot mienavita ŭ toj adziny punkt, jaki byŭ pa-za žyłymi pabudovami.

«Na žal, užo pierad harantavanym padzieńniem u hety punkt, ekipažu nie chapiła vyšyni dla pryniaćcia rašeńnia i biaśpiečna pakinuć samalot.

Pavodle źviestak bartavych samapiscaŭ, na hety momant my bačym, što ekipaž kiravaŭ i ŭździejničaŭ na ručku kiravańnia samalotam i na piedali, jakija źmianiajuć kirunak paletu da momantu dotyku ziamli.

Heta toje, što ciapier viadoma paśla papiarednich pieršych vynikaŭ čornych skryń.

Ale ŭžo ŭ hetaj situacyi ja, jak kamandujučy, baču, što ekipaž prajaviŭ samyja lepšyja jakaści biełaruskich vajskoŭcaŭ — jon da kanca vykonvaŭ svoj voinski abaviazak, jon canoj svajho žyćcia vyratavaŭ žyćci mirnych našych hramadzian. Heta sapraŭdnyja patryjoty našaj krainy», — dadaŭ Ihar Hołub.

• 0
• 0
• 0
• 0
• 0
• 0
• 0
• 0