ES pradstaviŭ Śviatłanie Cichanoŭskaj pracoŭny prajekt usioabdymnaha płana ekanamičnaj dapamohi Biełarusi
Siońnia prajšła anłajn-sustreča Śviatłany Cichanoŭskaj z Maciejem Papoŭskim, hiendyrektaram departamienta palityki dobrasusiedstva i pieramoŭ pa pašyreńni Jeŭrakamisii (DG NEAR). Na sustrečy byŭ pradstaŭleny prajekt usioabdymnaha płana dapamohi ES dla Biełarusi. Praca nad prajektam viałasia apošnija miesiacy va ŭzajemadziejańni z kamandaj Cichanoŭskaj.

Płan praduhledžvaje finansavuju makradapamohu dla Biełarusi i padtrymku palityčnych i ekanamičnych reformaŭ z udziełam MVF, Suśvietnaha banka, JEBRR. Abaviazkovaja ŭmova — dapamoha pastupić demakratyčnaj Biełarusi, a nie režymu, u pierachodny pieryjad i paśla novych svabodnych vybaraŭ.
U padtrymku płana vystupili KS, NAU i Vieranika Capkała, jakija padpisali zvarot da prezidenta Jeŭrakamisii Ursuły fon der Lajen z zaklikam apublikavać płan i padtrymać ideju praviadzieńnia mižnarodnaj kanfierencyi vysokaha ŭzroŭniu dla vyrašeńnia kryzisu ŭ Biełarusi.
Kamientary