Čechija moža vysłać da 60 rasijskich dypłamataŭ, kali Maskva nie admienić svajo rašeńnie
Čechija moža vysłać «kala 60 supracoŭnikaŭ» rasijskaha pasolstva, kali Rasija da 12:00 (13:00 pa Minsku) nie prymie rašeńnie ab viartańni ŭ Maskvu češskich dypłamataŭ, abvieščanych piersonami non hrata, zajaviŭ u intervju Lidove noviny kiraŭnik MZS respubliki Jakub Kułhaniek, piša RBK.
«Havorka išła b prykładna ab 60 [supracoŭnikach rasijskaha pasolstva]. Naša meta ŭ tym, kab [kolkaść supracoŭnikaŭ rasijskaha pasolstva] adpaviadała situacyi ŭ našaj ambasadzie ŭ Maskvie», — skazaŭ jon, adkazvajučy na pytańnie, kolkim supracoŭnikam rasijskaha pasolstva daviadziecca źjechać.
Na minułym tydni Čechija vysłała 18 rasijskich dypłamataŭ, zapadozryŭšy ich u pracy na rasijskija śpiecsłužby. Paśla hetaha Maskva abviaściła pra vysyłku 20 supracoŭnikaŭ češskaj ambasady.
Kamientary