Statkievič admoviŭsia praciahnuć aznajamleńnie z materyjałami spravy: Ja ćviorda pierakanany, što jana sfabrykavana
U liście za 31 sakavika Mikałaj Statkievič piša z turmy žoncy Marynie Adamovič, što nie budzie dalej hladzieć materyjały spravy.
«Sprava» budzie pieradadziena ŭ prakuraturu paśla taho, jak my ŭsie aznajomimsia ź jaje materyjałami. A heta, jak ja pisaŭ, až 110 tamoŭ. Praŭda, ja siońnia spyniŭ hetaje «aznajamleńnie» i zrabiŭ vusnuju (pad zapis) nastupnuju zajavu: «Vyvučyŭšy «abvinavačvańnie» i 30% materyjałaŭ «spravy», ja pryjšoŭ da ćviordaha pierakanańnia, što jana sfabrykavana śledstvam.
Mała taho, pa maim pierakanańni, śledstva zrabiła zamach na asnovatvornyja kanstytucyjnyja pravy hramadzianaŭ: svabodu słova, prava na mirnyja schody, prava na ŭdzieł u vybarach u jakaści kandydataŭ ci ich davieranych asob.
Ja nie chaču mieć dačynieńnia da taho, što liču złačynstvam. Tamu admaŭlajusia ad aznajamleńnia z astatnimi materyjałami «spravy».
Ščyra kažučy, udzielničać u ichnich «pracedurach», viedajučy, što chavajecca za źmiestam hetych pracedur, niejak hidliva», — paviedamlaje Mikałaj Statkievič.
Palityk znachodzicca za kratami z 31 maja.
Čytajcie taksama: Statkievič paviedamiŭ z turmy, u čym sutnaść vysunutaha suprać jaho abvinavačvańnia
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary