Sievastopalski haradski sud prysudziŭ da 12 hadoŭ kałonii žycharku Kryma 1955 hoda naradžeńnia, pryznaŭšy jaje vinavataj u dziaržaŭnaj zdradzie, a mienavita ŭ pieradačy sakretnych źviestak raźviedcy Minabarony Ukrainy, piša Bi-bi-si.
Ab prysudzie ŭ paniadziełak paviedamiła pres-słužba suda. «Uradženka Bachčysaraja, 1955 hoda naradžeńnia, była pryciahnutaja pradstaŭnikom zamiežnaj dziaržavy da sakretnaha supracoŭnictva z hałoŭnym upraŭleńniem raźviedki Ministerstva abarony Ukrainy», — havorycca ŭ pres-relizie.
U sudzie nie nazvali proźvišča asudžanaj — jana paznačanaja jak «hramadzianka D». TASS i «Interfaks» sa spasyłkaj na svaje krynicy paviedamlajuć, što heta piensijanierka Halina Daŭhapołaja. Jaje ž imia i proźvišča nazyvała raniej «Krymskaja pravaabarončaja hrupa». Kryminalnaja sprava sudom razhladałasia ŭ zakrytym režymie, pakolki ŭ materyjałach spravy ŭtrymlivalisia źviestki, jakija składajuć dziaržaŭnuju tajamnicu. Pieršaje sudovaje pasiadžeńnie adbyłosia 17 lutaha.
«Hramadzianka D. vykonvała raźviedvalnyja zadańni, nakiravanyja na źbirańnie źviestak ab asobnym avijacyjnym pałku Čarnamorskaha fłotu, jakija raskryvajuć terminy dziejańnia pazyŭnych, častot i klučoŭ, indeksaŭ radyjostancyj, klučoŭ da tablic radyjopazyŭnych, tablic dziažurnaha radysta i tablic telefonnych, telehrafnych, radyjo- i ściažnych pazyŭnych na mirny čas», — paviedamiła pres-słužba suda.
Jaje pryznali vinavataj pa artykule 275 KK RF (Dziaržaŭnaja zdrada). Prysud vyniesieny ŭ siaredzinie minułaha tydnia, havorycca ŭ paviedamleńni suda.
Fiederalnaja słužba biaśpieki Rasii ŭ listapadzie 2019 hoda paviedamlała ab zatrymańni ŭ Sievastopali žančyny, jakaja «była zavierbavanaja ŭkrainskimi śpiecsłužbami i pa zadańni Hałoŭnaha ŭpraŭleńnia raźviedki Minabarony Ukrainy metanakiravana ažyćciaŭlała zbor sakretnych źviestak vajennaha charaktaru».
Tady ž jana była aryštavanaja ŭ Sievastopali. Paśla hetaha jaje mahli etapavać u maskoŭski śledčy izalatar «Lafortava» — rašeńnia ab padaŭžeńni aryštu padčas śledstva prymaŭ Lafortaŭski sud Maskvy.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary