Kiraŭniki MZS krain Bałtyi vykazalisia za pavieličeńnie prysutnaści NATA ŭ rehijonie
«My jak susiedzi Rasii samym niepasrednym čynam adčuvajem pahrozu ź jaje boku».
Kiraŭniki MZS Łatvii Litvy i Estonii padčas sustrečy ź dziaržsakratarom ZŠA Entani Blinkienam vykazalisia za dalejšaje naroščvańnie vajskovaj prysutnaści NATA ŭ Bałtyi. Pra heta ministr zamiežnych spraŭ Estonii Eva-Maryja Lijmets paviedamiła ŭ sieradu, piša TASS.
«My z Łatvijaj i Litvoj vykazali padtrymku NATA i zajavili pra važnaść prysutnaści ZŠA, — pryvodzić słovy ministra pres-słužba estonskaha zamiežnapalityčnaha viedamstva. — My pavinny pracavać nad tym, kab NATA praciahvała ŭmacavańnie abarony i strymlivańnia, u tym liku z dapamohaj naroščvańnia vajskovaj prysutnaści sajuźnikaŭ u bałtyjskich krainach. My jak susiedzi Rasii samym niepasrednym čynam adčuvajem pahrozu ź jaje boku, tamu my cenim žadańnie ZŠA abmiarkoŭvać hetuju temu mienavita z nami».
Kiraŭniki zamiežnapalityčnych viedamstvaŭ 30 krain-udzielnic NATA praviali ŭ aŭtorak i sieradu ŭ Bruseli pieršuju asabistuju sustreču z udziełam pradstaŭnika novaj administracyi ZŠA — Blinkiena. Hałoŭnymi temami narady stali abmierkavańnie pierabudovy aljansu ŭ ramkach kancepcyi «NATA-2030», jakaja pavinna padrychtavać arhanizacyju da «vyklikaŭ budučyni», dyskusii ab prablemie vyvadu vojskaŭ z Afhanistana, a taksama stasunki z Rasijaj.
Kamientary