Sud Smarhonskaha rajona prysudziŭ halšancu Ivanu Viarbickamu 8 hod i 1 miesiac uzmocnienaha režymu, paviedamlaje Rehijanalnaja hazieta.
Viarbickaha abvinavačvali pa čatyroch artykułach Kryminalnaha kodeksa. U tym liku i ŭ akcie teraryzmu. U kastryčniku 2020 hoda jon pakinuŭ u telehram-čatach niekalki paviedamleńniaŭ, u jakich nibyta zaklikaŭ spalić ašmianskuju prakuraturu i aŭtamabili astravieckich milicyjanieraŭ.
U apošnim słovie Viarbicki začytaŭ uryvak z «Archipiełaha HUŁAHA» Sałžanicyna. Taksama jon padziakavaŭ rodnym, vałancioram, advakatu, žurnalistam za padtrymku i aśviatleńnie pracesu. Viarbicki skazaŭ, što pryznaje siabie vinavatym tolki pa źniščeńniu pastanovy ab pieratrusie, paprasiŭ sudździu zaličyć čas u SIZA ŭ prysud (tam jon pravioŭ amal 5 miesiacaŭ) i vyzvalić u zale suda, a pa astatnich artykułach apraŭdać. Viarbickaha apraŭdali tolki pa artykule za zachoŭvańnie vybuchovych rečyvaŭ i patronaŭ.
Jaho vinavacili adrazu pa niekalkich surjoznych artykułach: padbuchtorvańnie da akta teraryzmu, niezakonnyja nabyćcio, zachoŭvańnie bojeprypasaŭ i vybuchovych rečyvaŭ, a taksama źniščeńnie aficyjnych dakumientaŭ.
Spravu razhladaŭ sudździa Ludmiła Piatrova, dziaržaŭny abvinavaŭca — prakuror Siarhiej Kavalčuk.
Jak paviedamlała prakuratura Ašmianskaha rajona, zhodna z materyjałami spravy 14 kastryčnika 2020 hoda ŭ metach destabilizacyi hramadskaha paradku hramadzianin raźmiaściŭ u adnoj z hrup Telegram-kanała tekstavyja paviedamleńni, u jakich utrymlivalisia zakliki da paškodžańnia «kaktejlami Mołatava» budynka KDB i padpału prakuratury Ašmianskaha rajona.
U hety ž dzień i ŭ tym ža Telegram-čacie pad nikam «Dimon D» jon raźmiaściŭ paviedamleńnie z zaklikami da paškodžańnia i źniščeńnia majomaści supracoŭnikaŭ pravaachoŭnych orhanaŭ šlacham padpału transpartnych srodkaŭ, jakija naležać im.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary