Sajuznaj dziaržavie nieabchodnaja ŭłasnaja simvolika, ale pakul metanakiravanaj pracy ŭ hetym kirunku nie viadziecca. Pra heta Dźmitryj Mieziencaŭ zajaviŭ u intervju RBK.
Pavodle jaho słoŭ, heta jaho asabistaje mierkavańnie, jak čałavieka, «jaki časam razmaŭlaje ź ludźmi na vulicach» u Minsku. Mieziencaŭ padkreśliŭ, što ciapier naziraje aktyŭnuju prapahandu ES u Biełarusi, u adroźnieńni ad situacyi vakoł Sajuznaj dziaržavy.
«Ja padumaŭ ab tym, što nam treba damahčysia taho, kab usie hramadzianie Rasii i Biełarusi, ci absalutnaja bolšaść tych, chto cikavicca palityčnym žyćciom, hramadskim žyćciom, razumieli, što takoje Sajuznaja dziaržava. U nas absalutna raŭnapraŭnyja pašparty, u nas niama dziaržaŭnych miežaŭ. U nas jość mahčymaść u kožnaha rasijanina ci ŭ kožnaha biełarusa pajechać u rodnuju brackuju susiedniuju krainu pavyšać kvalifikacyju, vučycca, atrymać lačeńnie, pierahavaryć z partniorami, vybudavać biznes. Tut niama nijakich abmiežavańniaŭ. Ci ŭmiejem my pra heta kazać? Napeŭna, nie vielmi. Ci viedajuć pra heta miljony hramadzian Biełarusi i Rasii? Dumaju, pa čutkach», — raspavioŭ jon.
Stvareńnie simvoliki Sajuznaj dziaržavy mahło b stać važnym faktaram, jaki źjadnoŭvaje, zajaviŭ Mieziencaŭ.
Paśla čaho prapanavaŭ paŭdzielničać u hetaj pracy žurnalistam: «Davajcie padumajem, moža być, žurnalisty RBK prapanujuć niejkija eskizy, idei. Ja dumaju, što baki, i rasijski, i biełaruski, vyvučać, pahladziać, mahčyma, pahodziacca z čymści».
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary