Namieśnik načalnika HUBAZiK pra bajkot fanataŭ: Pry pustych «fankach» na vušy hledačoŭ pierastanuć cisnuć skandavańni z maciukami
Fanaty biełaruskich futbolnych kłubaŭ u kancy lutaha stali masava zajaŭlać pra bajkot futbolnych matčaŭ — na znak salidarnaści z tymi, chto staŭ achviarami palityčnych represij u Biełarusi. Na heta adreahavaŭ namieśnik načalnika HUBAZiK Michaił Biedunkievič.
«My taksama suprać hvałtu. I za toje, kab sport nie źmiešvali z palitykaj. Paviedamleńni pra bajkot majuć adnolkavy pasył, ahulnyja ramki, i my vydatna viedajem, dzie naradžajucca hetyja zajavy, jak jany składajucca. Na žal, niekatoryja spartyŭnyja partały pieratvarylisia ŭ pratesnuju trybunu, žurnalisty i błohiery nie zajmajucca svajoj niepasrednaj pracaj, padahravajučy palityčnyja žarści praz svaich adeptaŭ. Na hetym fonie robiacca sproby ŭciahnuć u šerahi radykalna nastrojenych pratestoŭcaŭ i fanacki ruch», — zajaviŭ Biedunkievič u intervju SB.
«Niejkija destruktyŭnyja siły, napeŭna, raźličvajuć na nahniatańnie skandału, na toje, što da fanackaha bajkotu dałučacca i zvyčajnyja zaŭziatary, a stadyjony zusim apuściejuć. I heta budzie vyhadnaja kamuści šumicha, imitacyja pratesnych nastrojaŭ. Adnak usie sapraŭdnyja amatary futboła ź nieciarpieńniem čakajuć pačatku siezona.
Aŭdytoryja na trybunach nie źmienšycca, jak nie źmienšyłasia na matčach chakiejnaha minskaha «Dynama», jakija taksama bajkatavaŭ fan‑siektar. Bolš za toje, pry pustych «fankach» na vušy hledačoŭ pierastanuć cisnuć skandavańni z maciukami i nie soramna budzie naviedvać matčy ź dziećmi i žonkami. Dy i mnohija fanaty, jak pakazvaje chod papiarednich bajkotaŭ, usio roŭna pryjduć na ahulnuju trybunu», — skazaŭ Biedunkievič.
Za čas pratestaŭ u Biełarusi da kryminalnaj adkaznaści pryciahnuli 65 futbolnych fanataŭ. Ź ich aryštavana 34 čałavieki.
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»24
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary