Vienskija zavituški vyhladajuć jak elehantny desiert z kaviarni, ale jany vielmi prostyja ŭ pryhatavańni. Heta pyšnaje piečyva stanie cudoŭnym dapaŭnieńniem da harbaty.
Fota BBCgoodfood
Vam spatrebiacca:
Dla piečyva:
200 h masła
50 h cukrovaj pudry
2 čajnyja łyžki vanili
250 h muki
½ čajnaj łyžki razrychlalnika
Dla načynki:
100 h masła
170 h cukru
1 čajnaja łyžka vanili
50 h malinavaha abo truskaŭkavaha sočyva
- Pakładzicie masła i cukrovuju pudru ŭ vialikuju misku i ŭźbivajcie kala 5 chvilin da biełaha koleru. Paśla dadajcie vanil i ŭźbivajcie, pakul sumieś nie stanie adnarodnaj.
- Praź sita dadajcie muku i razrychlalnik. Aściarožna pieramiešvajcie da atrymańnia adnarodnaj masy (ciesta pavinna być lipučaj kansistencyi).
- Razahrejcie duchoŭku da 180 hradusaŭ. Zaścialicie formu dla vypiečki antypryharnym pierhamientam. Praz kandytarski miašok z zorkapadobnaj nasadkaj vykładvajcie zakručanyja kruhi dyjamietram 5 sm na formu.
- Vypiakajcie piečyva na praciahu 10-12 chvilin da bledna-załacistaha koleru.
- Pakul piečyva astyvaje, pryhatujcie načynku. Da masła dadajcie cukar i ŭźbivajcie, pakul krem nie stanie pyšnym. Dadajcie vanil i ŭźbicie jašče raz.
- Na roŭnuju pavierchniu zavituški namažcie krem z masła. Vaźmicie jašče adnu zavitušku i namažcie sočyva. Złučycie dźvie pałovy. Praciahvajcie z astatnimi zavituškami.
Smačna jeści!
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary