«My pieraacanili racyjanalnaść Łukašenki». Cichanoŭskaja vystupiła sa zvarotam pra «stratehiju pieramohi» VIDEA
Hetaja stratehija abjadnoŭvaje dziejańni ŭsich sił, jakija vystupajuć za adstaŭku Alaksandra Łukašenki.
Zajava Śviatłany Cichanoŭskaj apublikavanaja ŭ jaje na sajcie.
Hetaja stratehija abjadnoŭvaje dziejańni ŭsich demakratyčnych sił: ofisa i kabinieta Śviatłany Cichanoŭskaj, Kaardynacyjnaha savieta, Narodnaha antykryzisnaha ŭpraŭleńnia, štaba Capkały, partniorskich inicyjatyŭ.
Cichanoŭskaja śćviardžaje, što ŭ kožnaj struktury svaje instrumienty i kampietencyja i kožnaja struktura raspracavała svaje prajekty.
Metaj Cichanoŭskaja bačyć adychod ad Alaksandra Łukašenki jaho prychilnikaŭ, pieramovy i novyja, svabodnyja vybary.
— Užo paŭhoda my supraćstaim režymu, jaki parazituje na ŭsich dziaržaŭnych resursach. Ale navat heta nie dapamahło jamu zadušyć pratest. Tamu nam nie treba atrymać bolš resursaŭ, čym u ich. Nam treba bolš resursaŭ, čym zaraz u nas. Kab damahčysia hetaha, my publikujem stratehiju pieramohi biełarusaŭ. Jana ŭličvaje, jak šmat my ŭžo zrabili — i što my možam jašče bolš, — skazała Cichanoŭskaja.
Kamientary