U izalatary časovaha ŭtrymańnia Buda-Kašalova šasnaccaty dzień haładaje Ihar Kraŭčanka. Jon pratestuje suprać niespraviadlivaha aryštu, piša «Radyjo Svaboda».
Pra haładoŭku paviedamili jahonyja siabry, jakija dniami zavozili ŭ Buda-Kašalova rečavuju pieradaču — bializnu i knihi. Taksama jany pieradali Iharu vadu, sok i harbatu. U Buda-Kašaloŭskim RAUS prama nie adkazvajuć na pytańnie, ci haładaje aryštavany albo nie. Dziažurny adkazvaje, što «jon maje prava admovicca ad ježy».
25 studzienia sud Savieckaha rajona Homiela aryštavaŭ Ihara Kraŭčanku na 15 dzion. Na sud z achvotnych nichto nie trapiŭ. U kancylaryi pastfaktum skazali, što jaho asudzili pavodle artykuła 23.34 KaAP — za ŭdzieł u niesankcyjanavanaj akcyi, ale jakoj, dzie i kali — nie paviedamili.
Ihara Kraŭčanka zatrymali na vychodnych u Babrujsku, dzie jon byŭ u svajakoŭ. Tady ŭ Babrujsku adbylisia masavyja aryšty i pieratrusy.
Jon nie vyjšaŭ na volu paśla adbyćcia 15-dzionnaha aryštu. Svajakam stała viadoma, što Iharu Kraŭčanku dadali jašče 15 sutak, i pryčyna čarhovaha pakarańnia taksama nieviadomaja.
-
«Trava tvaja, a piasok dziaržaŭny!» Biełarusy aburanyja štrafami za «kradziež» piasku
-
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje sabie ŭ vyrazach u sacsietkach
-
U Vilejskim rajonie staruju viaskovuju chatu pieratvaryli ŭ tvorčuju prastoru
Kamientary