Pasolstva Rasii praciahvaje zavočnuju dyskusiju z MZS pra toje, čyj Kaściuška
Pasolstva Rasii ŭ Minsku praciahvaje dyskusii ź Ministerstvam zamiežnych spraŭ Biełarusi na temu, ci varta biełarusam zaličvać Tadevuša Kaściušku da nacyjanalnych hierojaŭ.
Usio pačałosia z kamientara ŭ instahramie Nacyjanalnaha histaryčnaha muzieja pad dopisam da 275-hodździa z dnia naradžeńnia pałkavodca i palityčnaha dziejača, pakinutaha z akaŭnta rasijskaj ambasady: «Nazvać Kaściušku «biełaruskim nacyjanalnym hierojem» roŭna raśpisacca ŭ svaim histaryčnym nievuctvie».
Pres-sakratar MZS Anatol Hłaz paličyŭ patrebnym vykazacca z nahody sprečki na histaryčnuju temu: «Liču, što nie treba z hetaha rabić dramu. Biełaruś, biełaruski narod dla siabie svaich hierojaŭ, u tym liku histaryčnych, vyznačyŭ. I zrabiŭ heta karektna, nie ŭmiešvajučysia ŭ spravy inšych i nie załaziačy na čužuju terytoryju. Heta hałoŭnaje. U nas niama kompleksaŭ z hetaj nahody, i našaj krainie nie patrebnaje pryznańnie abo adabreńnie ad kaho b tam ni było hetaha fakta, akramia samich biełarusaŭ. Z hetaha treba i zychodzić».
U praciah dyskusii ambasada Rasii źmiaściła na svajoj staroncy dopis, u jakim pryvodzić cytatu ź lista Kaściuški, u jakim toj zaklikaje «pryvučać rusinaŭ da polskaj movy»:
«U zajavie pres-sakratara MZS Biełarusi paznačany tezis, što sprečka pra rolu Tadevuša Kaściuški ŭ biełaruskaj historyi «pavinna vieścisia ŭ ramkach ekśpiertnaj i kanstruktyŭnaj dyskusii». Zhodnyja z takoj pazicyjaj. Mahčyma, taksama, što prafiesijanały-historyki źviernuć uvahu i na list T. Kaściuški, napisany im u traŭni 1789 hoda i apublikavany na movie aryhinału ŭ zborniku dakumientaŭ «Pisma Tadeusza Kościuszki» (Warszawa, 1947, s. 45—46):
«Pryvučać ich [rusinaŭ] treba da polskaj movy, niachaj pa-polsku ŭsie ich słužby buduć. Z časam polski duch u ich uvojdzie. Za voraha buduć potym ličyć taho, chto b nie viedaŭ movy narodnaj».
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć44
Kamientary