U Salihorsku sudziać byłoha desantnika, jaki prajšoŭ uvieś horad ź bieł-čyrvona-biełym ściaham
Jaho vinavaciać u supracivie supracoŭniku milicyi.
Kryminalnuju spravu Rusłana Akostki, byłoha desantnika, jaki 15 listapada zdoleŭ prajści amal praz uvieś horad ź bieł-čyrvona-biełym ściaham, pačaŭ 2 lutaha razhladać sud Salihorskaha rajona, paviedamlaje spring96.org.
Rusłan Akostka byŭ zatrymany 15 listapada, a nazaŭtra sud Salihorskaha rajona pastanaviŭ pakarać jaho za ŭdzieł u niesankcyjanavanym masavym mierapryjemstvie na 15 sutak administracyjnaha aryštu. Adnak na volu Rusłan tak i nie vyjšaŭ.
U dačynieńni da byłoha desantnika 30 listapada raspačali kryminalnuju spravu za supraciŭ supracoŭniku milicyi, jaki achoŭvaje hramadski paradak, a taksama za naniasieńnie cialesnych paškodžańniaŭ, jakija nie panieśli za saboj ciažkich uskładnieńniaŭ i škody zdaroŭju. (art 363 KK RB). Da suda Akostka byŭ źmieščany pad vartu. Utrymlivaŭsia ŭ Žodzinskim SIZA.
Spravu razhladaje sudździa Alesia Sieradzienka.
2 lutaha, niedzie za paŭhadzinu da pačatku pracesu, zała była całkam zapoŭnienaja. Puścili čałaviek 25 nieviadomych ludziej. Niekalki dziesiatkaŭ čałaviek zastalisia stajać na vulicy.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ2
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary