Cichanoŭskaja: Budu patrabavać vyklučyć BT ź Jeŭrapiejskaha viaščalnaha sajuza
Śviatłana Cichanoŭskaja vykazałasia ab mahčymym vyklučeńni Biełteleradyjokampanii ź Jeŭrapiejskaha viaščalnaha sajuza.
«Važny pakazčyk niežyćciazdolnaści režymu — što mižnarodnyja partniory bolš nie hatovyja ź im supracoŭničać. IHHF admianiŭ čempijanat pa chakiei ŭ Minsku, tamu što nie zhodny pravodzić spartyŭnaje śviata ŭ krainie, dzie ludziej katujuć za ich mierkavańnie. I kali prapahanda abvinavačvaje Rene Fazela ŭ tym, što jon «nie vytrymaŭ cisku», heta hučyć žachliva. Pa ich łohicy, Rene Fazel pavinien byŭ zrabić vyhlad, što ŭ Biełarusi nie zabivali ludziej, kab zdacca prapahandystam «hodnym čałaviekam».
Prapahanda — heta asnova režymu Łukašenki. Heta mašyna, jakaja hadami ŭdaskanalvałasia ŭ tym, kab skažać praŭdu. Rabotniki dziaržtelekanałaŭ atrymlivajuć uznaharody za ŭkład u pakryvańnie złačynstvaŭ respublikanskaha ŭzroŭniu. Za doblesnuju abaronu režymu ad miljonaŭ padmanutych biełarusaŭ.
Ale jość pryvilei, jakich biełarusy mohuć prapahandu pazbavić. Tranślacyja Jeŭrabačańnia — vydatnaja nahoda dla BT padniać rejtynh i zarabić na rekłamadaŭcach. I heta nahoda dla ich honaru. Ale chiba hetaja kampanija zasłuhoŭvaje takoha honaru? Ja padtrymlivaju inicyjatyvu Fondu kulturnaj salidarnaści i budu patrabavać vyklučyć Biełteleradyjokampaniju ź Jeŭrapiejskaha viaščalnaha sajuza. Jak i ŭ vypadku z čempijanatam pa chakiei, ja budu havaryć ab hetym ź ministrami zamiežnych spraŭ ES. I ja vieru, što razam my z vami znoŭ dakažam: nichto ŭ cyvilizavanym śviecie nie stanie supracoŭničać sa złačyncami».
Kamientary