Kiraŭnik Fondu baraćby z karupcyjaj Alaksiej Navalny pieradaŭ zvarot sa śledčaha izalatara «Matroskaja cišynia», u jaki jaho źmiaścili napiaredadni, piša «Svaboda».
Słovy Navalnaha byli apublikavanyja ŭ aŭtorak uviečary na staroncy palityka ŭ Instahramie.
U zvarocie apazycyjaner raspavioŭ pra ŭmovy svajho ŭtrymańnia — «nievialikaja kamanda, akno, žalezny łožak», padkreśliŭšy ŭ čarhovy raz, što nie škaduje ab tym, što viarnuŭsia ŭ Rasieju.
«Inakš ja pastupić nia moh, i ŭ hetym niama ni patasu, ni achviarnaści, ni fatalizmu — całkam racyjanalny vybar», — adznačyŭ Navalny, dadaŭšy, što admaŭlajecca mirycca ź biezzakońniem u Rasiei i «maŭčać, słuchajučy biessaromny padman Pucina i jaho siabroŭ, jakija zahraźli ŭ karupcyi».
U kancy Navalny zajaviŭ, što adzinyja, kaho baicca ŭłada — heta tyja, chto «zmahajecca jak moža». Palityk zaklikaŭ dałučacca da takich ludziej.
Niekalkimi hadzinami raniej sakratar Hramadzkaj naziralnaj kamisii Maskvy Alaksiej Mielnikaŭ paviedamiŭ, što naviedaŭ Navalnaha ŭ SIZA. Sa słovaŭ Mielnikava, apazycyjaner źmiaščajecca adzin u kamery na troch čałaviek, pakolki paśla prybyćcia z-za miažy pavinien prajści dvuchtydniovy karantyn.
U kamery jość ladoŭnia, elektryčny čajnik, televizar i haračaja vada. «Alaksiej Anatoljevič skazaŭ kamisii, što jon rady znoŭ apynucca na Radzimie i padziakavaŭ za padtrymku. Navalny skazaŭ, što z boku supracoŭnikaŭ ustanovy maralnaha i fizyčnaha cisku na jaho nie akazvajecca», — napisaŭ Mielnikaŭ u svaim telehram-kanale.
U SIZA Navalny pavinien prabyć da sudu ab zamienie jamu ŭmoŭnaha terminu na realny pavodle prysudu, jaki byŭ vyniesieny ŭ 2014 hodzie pa spravie «Iŭ Raše».
Pasiadžeńnie pryznačanaje na 2 lutaha. Dziasiatki krain zapatrabavali nieadkładnaha vyzvaleńnia Navalnaha. Štab palityka abviaściŭ ab maštabnych akcyjach pratestu pa ŭsioj Rasiei 23 studzienia.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary