Pieršy śmiarotny prysud u 2021 hodzie: za zabojstva starych pad Słuckam mužčynu paŭtorna prysudzili da śmierci
Pasiadžeńnie suda adbyłosia ŭ Słucku.
Minski abłasny sud vynies prysud trom mužčynam pavodle abvinavačvańnia ŭ zabojstvie piensijanieraŭ i sprobie zabojstva 85-hadovaj žančyny, paviedamlaje spring96.org.
Raniej Viarchoŭny sud admianiŭ prysud i nakiravaŭ spravu na paŭtorny razhlad. U praktycy vyniasieńnia śmiarotnych prysudaŭ u Biełarusi heta redkaja źjava, kali kalehija Viarchoŭnaha suda admianiaje vyniesieny raniej prysud i viartaje spravu na novy razhlad.
Siońnia, 15 studzienia, Minski abłasny sud znoŭ vynies prysud, jaki ničym nie adroźnivajecca ad papiaredniaha.
Miascovaha žychara Viktara Skrundzika prysudzili da śmiarotnaha pakarańnia, jaho zmoŭščyku Vitalu Miaciažu dali 22 hady kałonii strohaha režymu, Valancinu Bušninu — 18 hadoŭ kałonii strohaha režymu. Na złačynstvy mužčyny pajšli, kab atrymać hrošy na vypiŭku.
Kamientary