Pryznačany hałoŭny redaktar «Presboła». Im staŭ były žurnalist ANT
Karespandent ANT Siarhiej Lisičkin zajaviŭ «Trybunie» što staŭ hałoŭnym redaktaram «Presboła».
Raniej paviedamlałasia, što paśla razmovy z kalektyvam redakcyi «Presboła» Lisičkin admoviŭsia ŭznačalvać vydańnie.
— Mahu vam paviedamić, što zaŭtrašni numar haziety «Presboł» vyjdzie pad maim podpisam. Ja aficyjna pryznačany hałoŭnym redaktaram. 17 śniežnia ŭ mianie pieršy pracoŭny dzień na novaj pasadzie. Bolš pakul ničoha kazać nie chaču. Zadača №1 na siońnia — heta zaviaršyć hod. Zakančvajecca ŭ kancy śniežnia padpiska na «Presboł», i dziakuj Bohu, što ŭ hetym razumieńnie z kalektyvam znojdziena. I nijakija zvady nikomu nie patrebnyja. Vyrašyli zasiarodzicca całkam na numarach, jakija vyjduć u piatnicu i ŭ aŭtorak. Treba skončyć hod, — skazaŭ Lisičkin.
Pa jaho słovach, prapanova ŭznačalić hazietu pastupiła ad kiraŭnika Fiederacyi futboła Uładzimira Bazanava.
Paśla sychodu Hierčykava niekalki numaroŭ vychodzili pad kiraŭnictvam namieśnika hałoŭnaha redaktara Dźmitryja Bieleńkaha.
Na ANT Lisičkin źjaŭlaŭsia aŭtaram spartyŭnych prahram, raniej jon pracavaŭ u «Spartyŭnaj panaramie», drukavaŭsia ŭ SB.
***
«Presboł» vychodzić z 16 studzienia 1991 hoda. Pieršym hałoŭnym redaktaram byŭ Alaksandr Barysievič (da 1995 hoda), z 1995 pa 2014-y hazietu ŭznačalvaŭ Uładzimir Bieražkoŭ, z krasavika 2014 pa červień 2020 — Siarhiej Kajko.
Uładalnikami akcyj vydańnia źjaŭlajucca: Asacyjacyja «Biełaruskaja fiederacyja futboła» (50%), rabotniki redakcyi — Juryj Arłoŭ (30%), Dźmitryj Bieleńki (10%) i Alaksandr Dabryjan (10%).
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary