Karajeŭ pra Ramana Bandarenku: Hałoŭnym tut źjaŭlajecca spačyn dušy čałavieka
Eks-ministr unutranych spraŭ Juryj Karajeŭ u efiry STB vykazaŭsia pra hibiel Ramana Bandarenki.
«Ja dumaju, pra hety vypadak užo šmat raskazana, i adzinaje hodnaje reahavańnie — mienš šumu vakoł hetaha, nie rabić na hetym nijakim bakam nijakich śpiekulacyj. Hałoŭnym tut źjaŭlajecca spačyn dušy čałavieka. Niejki bok ciapier vakoł hetaha prajaŭlać i znoŭ raździmać iskry nie varta nikomu», — skazaŭ Karajeŭ.
Nahadajem, Raman Bandarenka pamior u čaćvier 12 listapada ŭ Balnicy chutkaj miedycynskaj dapamohi. Jamu byŭ 31 hod. Za dzień da hetaha Ramana zatrymali na «płoščy Pieramien». Chutkaja zabrała maładoha čałavieka z Centralnaha RUUSa ŭ ciažkim stanie. Jon upaŭ u komu i nie vyjšaŭ ź jaje.
Kamientary