Maksim Bahracoŭ: Kala 40% maleńkich kampanij u pracesie vychadu ź Biełarusi

Eŭrapiejski bank rekanstrukcyi i raźvićcia prypyniŭ finansavańnie prajektaŭ u dziaržaŭnym sektary Biełarusi. Heta značyć, što ŭłady Biełarusi stracili sotni miljonaŭ dalaraŭ padtrymki. Čym heta pahražaje ekanomicy, u efiry «Nastojaŝieho vriemieni» razvažaŭ siabra Kaardynacyjnaj rady Maksim Bahracoŭ, piša «Radyjo Svaboda».

Samaje hałoŭnaje, što heta značyć, — heta strata davieru da taho, što adbyvajecca ŭ Biełarusi. U nas usio jašče dastatkova vysoki ŭzrovień dziaržaŭnych pradpryjemstvaŭ. Zrazumieła, što heta tyčycca ich u najpierš.

Ale nasamreč heta bje pa ŭsich. Ujavicie, kali b heta byli vašyja hrošy, ź jakim by adčuvańniem vy navat pryvatniku addavali b siońnia hrošy ŭ Biełarusi?

Adzin z našych chabaŭ pravioŭ apytańnie: kala 40% maleńkich kampanij u pracesie vychadu ź Biełarusi.

U sektary telekamunikacyi i infarmacyjnych technalohij u vieraśni rost pa inercyi byŭ 9,1%, u kastryčniku byŭ 1,9% rost VUP. Heta adna ź dźviuch industryj, jakaja zabiaśpiečvaje niejki rost VUP. Astatnija industryi ŭvohule nie pakazvajuć rost VUP.

Kali niama bazavaj biaśpieki, to niama davieru ni ŭ nasielnictva — jany zdymajuć hrošy z rachunkaŭ bankaŭ, — ni ŭ instytucyjanalnych investaraŭ, jak EBRR, ni ŭ jakich-kolečy inšych investaraŭ, jakija mohuć investavać usiaredzinie krainy. Va ŭsich nastroj adnolkavy. Nie zabyvajciesia jašče, što Fitch Ratings taksama na minułym tydni paniziŭ rejtynh Biełarusi.

Pakutujuć u pieršuju čarhu tyja samyja ludzi, jakija ŭsio jašče padtrymlivajuć pa inercyi Alaksandra Ryhoraviča: starejšaje pakaleńnie, ź niejkich addalenych rehijonaŭ. U hetym jość ironija.

Jość adčuvańnie, što pacichu razahrajecca ŭžo drukarski stanok. U nas nasamreč u niekatorych instytutach ułady pracujuć dastatkova prafesijnyja ludzi, u pryvatnaści, u Nacyjanalnym banku, i bačna, što namahajucca heta rabić u apošniuju čarhu. Ale ja dumaju, što rezervaŭ chutka nie zastaniecca. Im treba heta ŭžo sioleta — dzieści plus-minus da kanca hodu. Tut niama dakładnaj daty. Ale da kanca hodu jašče treba pierahladać ceny na enerhanośbity, tamu śniežań nas čakaje cikavy.

* * *

Maksim Bahracoŭ adpracavaŭ u EPAM 23 hady, prajšoŭšy šlach ad prahramista da staršaha vice-prezydenta, adkaznaha za technalahičnyja rašeńni. Jon šmat hadoŭ pražyŭ za miežami Biełarusi, ale zachavaŭ biełaruski pašpart. Paśla prezydenckich vybaraŭ jon syšoŭ u biesterminovy adpačynak i dałučyŭsia da Kaardynacyjnaj rady.

• 0
• 0
• 0
• 0
• 0
• 0
• 0
• 0