Abaroncy Znaka stvaryli pietycyju za vyzvaleńnie Znaka i spynieńnie kryminalnaj spravy, u ramkach jakoj Maksima abvinavačvajuć u zaklikach da dziejańniaŭ, «nakiravanych na pryčynieńnie škody nacyjanalnaj biaśpiecy Respublicy Biełaruś», paviedamlaje telehram-kanał Kaardynacyjnaj Rady.
U pietycyi papiaredžvajecca, što kali «ahučanaja abo vykładzienaja ŭ pravavym dakumencie krytyčnaja acenka dziejańniaŭ dziaržaŭnych orhanaŭ moža paciahnuć kryminalny pieraśled», heta niebiaśpiečna tym, što advakaty nie buduć dosyć pryncypova adstojvać pazicyju klijenta.
Pietycyju padpisali 174 advakaty. Jany nastojvajuć na vyzvaleńni Maksima Znaka i spynieńni jaho kryminalnaha pieraśledu.
Siabra prezidyuma Kaardynacyjnaj rady Maksim Znak byŭ zatrymany 9 vieraśnia. 18 vieraśnia jamu vystavili abvinavačvańnie pa č. 3 art. 361 Kryminalnaha kodeksa (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś).
Kamientary