«Jon miž žyćciom i śmierciu»: miedyk rasšyfravaŭ skarot «ŠKH 4b» z vypiski źbitaha Bandarenki
Tak vyhladaje vypiska stanu źbitaha Ramana Bandarenki z žurnała pieršasnaha miedycynskaha ahladu.
Čytajcie: «Šancaŭ zusim mała». Źbitaha Ramana Bandarenku z «płoščy Pieramien» chutkaja zabrała ź milicyi nieprytomnym
U hrafie «niervova-psichičny stan» bačny miedycynski skarot «ŠKH 4b». Što jon aznačaje? Na hetaje pytańnie «Našaj Nivie» adkazaŭ sudmiedekśpiert.
«ŠKH — «škała komy Hłazha». Acenka parušeńnia śviadomaści i komy. Maksimum — 15 bałaŭ, heta kali ŭsio dobra, u normie. A čatyry bały, jak u hetym vypadku, adpaviadajuć pahroźlivamu dla žyćcia stanu», — kaža śpiecyjalist.
«Davać prahnoz ciažka, treba viedać abjom subduralnych hiematom, jak prajšła apieracyja i hetak dalej, ale 4 bały — pahraničny stan pamiž žyćciom i śmierciu. Dalej — jak pašancuje.
Byvaje, što vybirajucca i ź mienšym bałam, byvaje, što pamirajuć z bolšym. Taksama stan čałavieka na vychadzie z takoj komy zaležyć ad času, praviedzienaha ŭ joj, važna i masiŭnaść unutryčarapnych hiematom.
Hruba kažučy, čym bolš hiematom — tym bolš ich kroŭ razdražniaje mozh i ciśnie na žyćciova važnyja centry, praz što jany nie mohuć narmalna funkcyjanavać, vynikam hetaha i jość koma.
Sens apieracyj u hetym vypadku ŭ tym, što, naprykład, robicca trepanacyja i kroŭ prybirajecca z čerapa, mozh «raspraŭlajecca» — koma tady abo sychodzić, abo nie. Ja baču ŭ hetaj papiercy taksama pad pytańniem ałkaholnuju intaksikacyju — heta, kali tak, moža pahoršyć stan», — skazaŭ śpiecyjalist.
Pa słovach miedyka, taki charaktar paškodžańniaŭ ułaścivy, naprykład, achviaram avaryj, jakija atrymali mocny ŭdar pa hałavie. Abo achviaram pabojaŭ i padzieńniaŭ.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary