U Biełarusi Maja Korsik była apošni raz u 2017 hodzie, jana daŭno ŭžo žyvie ŭ Aŭstralii.
Ale niadaŭna na minski adras śviakruchi prylacieła paviestka: maŭlaŭ, Maja Alaksandraŭna, zaprašajem vas u milicyju, suprać vas viadziecca praces pa artykule 23.34 — udzieł u masavym mierapryjemstvie.
«Ja rasijanka, ale žyła ŭ Minsku z 5 hadoŭ. Chadziła tam u sad, u škołu, univier, na pracu, tamu identyfikuju siabie ź Biełaruśsiu. U Aŭstralii ja žyvu z kastryčnika 2015 hoda», — raskazvaje Maja.
Pierad adjezdam, kaža dziaŭčyna, jana vypisałasia z kvatery śviakruchi, źniałasia z uliku, zdała dazvoł na žycharstva.
«Heta značyć ja ni hramadzianka, ni rezident. Adkul hetyja abvinavačvańni — ja nie viedaju. Mahčyma, ubačyli fotki ŭ sacyjalnych sietkach, dzie ja ź bieł-čyrvona-biełym ściaham. Ja ładziła akcyi ŭ padtrymku Biełarusi, vykładvała fotazdymki ź ich. Ale akcyi prachodzili tut, u Aŭstralii.
Ciapier ja chaču sabrać dokazy. U pasolstvie Rasii daduć daviedku, što ja ŭ Sidnei, nie mahu vyjechać na sud. Tam z razumieńniem pastavilisia, ale zrobiać tolki ŭ paniadziełak.
Plus u mianie pašpart čysty z 2017 hoda. Departamient pa imihracyi daść daviedku, što ja nie vylatała nikudy, padarožničała pa Aŭstralii ŭ asnoŭnym.
U 2017 hodzie była apošni raz u Biełarusi, latała na viasielle siabroŭki», — kaža Maja.
Siońnia jana pazvaniła va UUS Partyzanskaha rajona, dzie joj vypisali paviestku. Ale načalnika na miescy nie było, namieśnik słuchaŭku nie źniaŭ, raspaviała dziaŭčyna.
Ciapier čytajuć
Siostry Hruździevy ciapier važać pad 100 kiłahramaŭ kožnaja20
Siostry Hruździevy ciapier važać pad 100 kiłahramaŭ kožnaja
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary