Za čas prezidenckaj kampanii i pratestaŭ adbyłosia jak minimum 13 550 zatrymańniaŭ
Z ulikam 317 zatrymanych u niadzielu 4 kastryčnika i zatrymańniaŭ na minułym tydni ŭsiaho ŭ Biełarusi za čas prezidenckaj kampanii i pratestaŭ suprać falsifikacyi vybaraŭ adbyłosia jak minimum 13 550 zatrymańniaŭ.
«Naša Niva» atrymała hetuju ličbu, splusavaŭšy źviestki Ministerstva ŭnutranych spraŭ za asobnyja dni ad pačatku pratestaŭ. U tyja dni, kali źviestki MUS nie publikavalisia, my ŭklučali ličbu, sabranuju pravaabaroncami.
Pikam zatrymańniaŭ stali 9-12 žniŭnia, kali, zhodna sa źviestkami MUS, zatrymali «bolš za» 6700 čałaviek (dakładnych ličbaŭ za tyja dni MUS nie pradastaviła).
Zatrymanych u Biełarusi za hetaje leta i vosień bolš, čym było internavana ŭ Polščy časoŭ «Salidarnaści». Tam za pieryjad vajennaha stanovišča byli internavanyja 10 123 čałavieki.
Kab ludzi ŭ inšych krainach mahli ŭjavić sabie maštaby palicejskich apieracyj u Biełarusi ŭ prajekcyi na kolkaść nasielnictva, dadzienaja kolkaść zatrymańniaŭ adpaviadaje prykładna 205 000 u praporcyi da nasielnictva Rasii, 60 000 — dla Polščy ci Ukrainy.
U lubym razie, heta najbolšy chapun u historyi Biełarusi.
Čamu YouTube vydaliŭ kanały BiełTA, STB i ANT? Voś što viadoma11
Kamientary