Z «Novaha radyjo» zvolniŭsia viadučy, jaki raskazvaŭ pra biełaruskija pratesty kazačnymi alehoryjami z Chohvartsa
Sajt «Novaha radyjo»
Dźmitryj Łaŭroŭ — radyjoviadučy, jaki raskazvaŭ u efiry ab pratestach kala Ministerstva adukacyi alehoryjaj Chohvartsa z «Hary Potera», — napisaŭ zajavu pavodle ŭłasnaha žadańnia, piša Tut.by.
Dźmitryj vioŭ efiry na «Novym radyjo», zasnavalnik jakoha — Fedieracyja prafsajuzaŭ Biełarusi. 25 žniŭnia jon raskazaŭ pra akcyju salidarnaści kala Ministerstva adukacyi. Pryčym zrabiŭ heta, pierakłaŭšy biełaruskija realii na kazačny ład.
«Dumaju, na majo zvalnieńnie bolš paŭpłyvaŭ moj kamientar Tut.by, čym historyja pra Chohvarts. Ja raskazaŭ pra niehałosnuju cenzuru, jakoj prasili prytrymlivacca supracoŭnikaŭ našaha radyjo ŭ asabistych sacyjalnych sietkach, — kaža jon. — Paśla hetaha dumka kalehaŭ padzialiłasia. Padtrymka tych, chto mianie i raniej padtrymlivaŭ, zastałasia. Astatnija, jak ja zrazumieŭ, stali ličyć mianie zdradnikam. Ja vyrašyŭ, što nie budu praciahvać kantrakt. Jon u mianie byŭ da 10 vieraśnia».
31 žniŭnia jamu patelefanavaŭ juryst i paviedamiŭ, što kiraŭnictva zajavu padpisała.
«Ja rady, što tak adbyłosia, pra heta kažu ŭsim svaim znajomym, — kaža Dźmitryj. — Ja nie źbiraŭsia zastavacca, i kab nie syšoŭ ciapier, zvolniŭsia b 10 vieraśnia».
Pa słovach viadučaha, da kanca tydnia jon źbirajecca adpačyvać, a potym zojmiecca pošukami pracy. Prapanovy ŭžo pastupajuć. Adna ź ich — na telebačańni, ale pracavać pryjdziecca za miažoj.
«Jechać z krainy ja pakul nie chaču, chaču być karysny tut», — padsumoŭvaje Dźmitryj Łaŭroŭ.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary