Ministr abarony: Dziejańni siłavikoŭ mohuć być pradstaŭleny jak hienacyd
Ministr abarony Biełarusi Viktar Chrenin aścierahajecca, što dziejańni siłavoha błoka «pa stabilizacyi stanovišča» ŭ krainie mohuć być vykarystany źniešnimi siłami i palityčnymi apanientami ŭ jakaści padstavy dla źmieny palityčnaha kursu Respubliki Biełaruś siłavym šlacham, paviedamlaje Interfaks.
«U situacyi, jakaja skłałasia, dziejańni siłavoha błoka Respubliki Biełaruś pa stabilizacyi abstanoŭki mohuć być pradstaŭleny jak hienacyd ułasnaha naroda i vykarystany ŭ jakaści padstavy dla źmieny palityčnaha kursu Respubliki Biełaruś siłavym šlacham», - zajaviŭ Chrenin u subotu na naradzie z udziełam Alaksandra Łukašenki ŭ Hrodnie.
Pavodle jaho słoŭ, taki scenar mahčymy «ŭ pieršuju čarhu, z prymianieńniem častak i padraździaleńniaŭ vysokaj hatoŭnaści, razhornutych u niepasrednaj blizkaści ad našaj dziaržaŭnaj miažy».
Ministr raspavioŭ, što «dla zabieśpiačeńnia avijacyjnaj padtrymki ich dziejańniaŭ mohuć być užytyja 18 źniščalnikaŭ F-16 Vajenna-pavietranych sił Złučanych Štataŭ, niadaŭna pryviezienyja z Hiermanii na avijacyjnuju bazu Łask u Polščy. Padlotny čas da dziaržmiažy (Biełarusi) składaje kala 22 chvilin».
Jon adznačyŭ, što «asnoŭnaj skiravanaściu mierapryjemstvaŭ apieratyŭnaj bojepadrychtoŭki ŭzbrojenych sił krain — členaŭ NATO źjaŭlajecca adpracoŭka pytańniaŭ prymianieńnia vojskaŭ va ŭmovach kryzisnaha reahavańnia, a taksama padčas viadzieńnia nastupalnych dziejańniaŭ».
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary