Biełaruskija piacidziasiatniki zaklikali ŭłady spynić hvałt i pajści na mirny dyjałoh z narodam
Rada biskupaŭ najbujniejšaha jevanhielskaha abjadnańnia Biełarusi (Carkva Chryścijan Viery Jevanhielskaj) źviartajecca da ŭładaŭ Biełarusi z zaklikam spynić hvałt i pačać mirny dyjałoh z narodam.
«Padziei, jakija adbyvajucca ŭ našaj krainie ŭ pieradvybarčy pieryjad i niepasredna paśla vybaraŭ prezidenta krainy, nie pakinuli abyjakavymi nikoha, u tym liku i Carkvu chryścijan viery jevanhielskaj. Baluča bačyć narastańnie hvałtu ŭ hramadstvie, pradbačučy, kudy heta pryviadzie rodnuju našu krainu.
My, kiraŭnictva Carkvy CHVIE, prosim spynić lutaść i hvałt z boku siłavych struktur, a taksama nialudskaje staŭleńnie da zatrymanych, inačaj budzie kančatkova zhubleny davier da ludziej u pahonach i ŭ cełym da ŭłady. My spadziajomsia, što ŭsie zatrymanyja buduć adpuščanyja na svabodu. U nas u krainie nie abvieščana vajennaje stanovišča, tamu my prosim prybrać z vulic našych haradoŭ śpiectechniku, jakaja vyklikaje žach. I, viadoma, pačać mirny dyjałoh sa svaim narodam. My, u svaju čarhu, budziem praciahvać malicca za naš narod, za našu krainu, u tym liku i jaje dziaržaŭnyja struktury.
Niachaj dapamoža ŭsim nam u hetym Hospad!», — havorycca ŭ zvarocie.
Kamientary