Stop-fejk: na BT kažuć, što ŭ «Hołasie» zarehistravałasia 6000 čałaviek. Ale heta kolkaść učastkaŭ
Dziaržaŭnyja ŚMI i afilijavanyja ź imi telehram-kanały praciahvajuć «vykryvać» anłajn-płatformu padliku hałasoŭ «Hołas».
Ličylnik na sajcie prajekta pakazvaje, što pa stanie na viečar 5 žniŭnia ŭ sistemie zarehistravalisia 812 tysiač čałaviek. Adnak dziaržaŭnyja miedyja pierakonvajuć, što ličby zavyšanyja bolš čym u 100 razoŭ. Z čaho jany robiać takuju vysnovu?
«3 žniŭnia była zroblenaja sproba pryviazać tych, chto zarehistravaŭsia, da karty Biełarusi. Raptoŭna vyśvietliłasia, što aktyvistaŭ naličvajecca ad siły 6000 čałaviek», — paviedamili ŭ prahramie «Zrazumiełaja palityka plus» na «Biełaruś 1».
Pry rehistracyi ŭ «Hołasie» karystalnik ukazvaje, za jakoha kandydata źbirajecca hałasavać, a taksama nazyvaje svoj učastak dla hałasavańnia.
Sistema padličvaje, kolki vybarcaŭ z kankretnaha ŭčastka ŭžo zarehistravalisia i na padstavie hetaha ŭkazvaje ŭzrovień pakryćcia — vydatny, dobry ci «moža być palepšana».
Kali nablizić kartu, možna ŭbačyć kožny ŭčastak, kali addalić — učastki, naturalna, nakładajucca adzin na adnaho.
Centrvybarkam paviedamlaje, što na terytoryi Biełarusi stvorana 5 723 učastkaŭ. Aproč taho, jašče 44 učastki adkryvajucca za miažoj.
Tyja ličby, što zaŭvažyli rabotniki BT — kolkaść isnujučych učastkaŭ na tym ci inšym kavałku karty Biełarusi.
Kamientary