Aktyvisty «Jeŭrapiejskaj Biełarusi» vyjšli ź liku davieranych asob Śviatłany Cichanoŭskaj
Aktyvisty hramadzianskaj kampanii «Jeŭrapiejskaja Biełaruś» vyjšli ź liku davieranych asob Śviatłany Cichanoŭskaj.
«My daviedalisia, što, na žal, štab kandydata ŭ prezidenty nie budzie zaklikać da pratestaŭ u vypadku praciahu represij suprać hramadzianskaj supolnaści i masavych falsifikacyj», — tak tłumačać svajo rašeńnie pradstaŭniki «Jeŭrapiejskaj Biełarusi».
Raniej pradstaŭniki hramadzianskaj kampanii damovilisia ź jaje štabam pra sumiesnyja dziejańni. 13 aktyvistaŭ i siabroŭ «Jeŭrapiejskaj Biełarusi» stali davieranymi asobami Śviatłany.
Sa štabam Śviatłany Cichanoŭskaj taksama abmiarkoŭvałasia pytańnie jaje źniaćcia z vybaraŭ.
«Biez abmierkavańnia z davieranymi asobami Śviatłana Cichanoŭskaja zajaviła pra toje, što jana zdymacca z vybaraŭ u lubym vypadku nie budzie i zaklikała biełarusaŭ pryjści na vybarčyja ŭčastki 9 žniŭnia. Śviatłana maje na heta poŭnaje prava, ale, na žal, pra jaje rašeńnie my daviedalisia tolki sa ŚMI», — paviedamlaje kampanija.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary