«Moskva — uchodi!» U rasijskim Chabaraŭsku prajšoŭ šmattysiačny mitynh u padtrymku zatrymanaha hubiernatara VIDEA
U subotu, 11 lipienia, u Chabaraŭsku prajšoŭ šmattysiačny mitynh u padtrymku zatrymanaha hubiernatara Chabaraŭskaha kraja Siarhieja Furhała, paviedamlaje DVhab.ru. Na mitynhu, zhodna z aficyjnymi źviestkami, sabralisia ad 10 da 12 tysiač čałaviek. Na videa vidać, što papraŭdzie na płoščy sabralisia dziasiatki tysiač ludziej.
Udzielniki akcyi prajšlisia šeściem pa centralnych haradskich vulicach, pierakryŭšy ich dla ruchu transpartu. Dziasiatki tysiač čałaviek sabralisia na centralnaj płoščy Chabaraŭska. Napiaredadni jaje aharadzili płotam nibyta dla praviadzieńnia dezynfiekcyi, adnak heta nie spyniła mitynhoŭcaŭ.
Ludzi nieśli płakaty z nadpisami «Svabodu Furhału» i «Ja/My Siarhiej Furhał». Mitynhoŭcy skandavali «Svabodu!», «Maskva, sychodź», «Daloki Uschod — naš», «Pucina — u adstaŭku» i «Pucin — złodziej».
Adnačasova akcyi pratestu prajšli ŭ Kamsamolsku-na-Amury, Elbanie, Soniečnym i inšych haradach rehijonu.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary