Kanflikt u Minsku: zabudoŭščyk adklučaje lifty ŭ čatyroch damach, bo ŽREA nie płacić za śviatło
Žychary čatyroch staličnych damoŭ na vulicy Miastraŭskaj u Minsku siońnia ŭbačyli na svaich padjezdach abviestki ź infarmacyjaj ab adklučeńni liftaŭ z 10 da 17 hadziny kožny budni dzień.
Čamu? Bo «ŽREA Centralnaha rajona Minska ŭžo bolš za hod nie kampiensuje zabudoŭščyku vydatki na elektraenierhiju», — paviedamlaje žycharam zabudoŭščyk «Piekinska-Minskaja kampanija pa raźvićci nieruchomaści «BiJuSiSi».
U kampanii raskazali «Našaj Nivie», što zapazyčanaść ŽREA pierad imi bolšaja za 19 tysiač rubloŭ.
«Heta daŭniaja historyja. My zdali dom u 2013-m hodzie, była damova na kampiensacyju elektraenierhii sa ŽREA, potym jany zrabili rearhanizacyju i źjaviłasia jašče ŽKH, u nas niama damovy, my nie možam jaje padpisać, prosiać dakumienty, jakich nie isnuje ŭ pryrodzie.
U vyniku my, kampanija zabudoŭščyk, płacim za elektraenierhiju ŭ miescach hramadskaha karystańnia: vuzły, lifty, padvały, padjezdy. Ale i ź ludziej za heta biaruć hrošy. Kudy jany iduć? Nu heta ŭžo nie maje pytańni», — skazaŭ viadučy śpiecyjalist kampanii-zabudoŭščyka Alaksandr Pyko.
Pa słovach Pyko, hałoŭnaje pytańnie dla ich — heta mahčymaść pieraaformić damovu. Vyrašajuć jany jaho ź minułaha kastryčnika, byli abiacańni i narady ŭ administracyi rajona, jakija pakul ni da čaho nie pryviali.
U vyniku, atrymlivajecca, ciarpiać ludzi. Ale kolki jašče lifty buduć adklučacca? U «BiJuSiSi» spadziajucca na chutkaje vyrašeńnie prablemy i adychod ad radykalnych zachadaŭ.
«Nu voś ciapier usie heta ŭbačyli, ŚMI zvoniać, ja dumaju, što šturšok budzie i my vyrašym hetuju prablemu», — skazaŭ Pyko.
Kamientaryj ad ŽREA, na žal, atrymać nie ŭdałosia — «Našaj Nivie» tam tolki paćvierdzili, što nie majuć damoŭnych abaviazkaŭ z nazvanaj firmaj, a kamientavać situacyju śpiecyjalist admoviŭsia.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary