Na zachadzie Minska śmiardzić vada. Ludziam pryvieźli cysterny
Prablemu z vadoj u Maskoŭskim i Frunzienskim rajonach stalicy pavinny vyrašyć da kanca dnia. Pra heta paviedamiŭ telehram-kanał Minharvykankama «Minsk.Aficyjna», a TUT.BY pahladzieŭ, kudy ciapier iduć pa vadu žychary Sucharava.
Što ź jakaściu vady
Z ranicy łabaratoryja pradpryjemstva «Minskvodakanał» vykanała pašyrany adbor probaŭ vady ŭ Maskoŭskim i Frunzienskim rajonach. Akramia pakazčyka pa pachu, jaki znachodzicca ŭ vierchniaj dapuščalnaj miažy, astatnija charaktarystyki jakaści vady całkam adpaviadajuć patrabavańniam sanitarnych normaŭ.
U MNS paviedamlajuć, što Centram hihijeny i epidemijałohii taksama ŭziatyja proby vady.
— Kali ŭ nas budzie infarmacyja ab niebiaśpiecy, buduć kankretnyja rekamiendacyi. Ahulnyja rekamiendacyi viadomyja: nie vykarystoŭvać vadu, kali jaje vyhlad ci koler abo pach adroźnivajucca ad zvykłych.
Anton Hałaskok, načalnik vytvorčaści «Minskvodapravod»:
— Mocny pach na ačyščalnaj vodapravodnaj stancyi, jakaja padaje vadu ŭ Maskoŭski i Frunzienski rajony, źviazany z vysokimi tempieraturami, jakija ŭstalavalisia ŭ apošnija dni. Raźličvajem, što ŭ najbližejšy čas pach budzie łakalizavany i da kanca dnia spažyŭcy atrymajuć vadu biez pachu.
Jak sprabujuć vyrašyć prablemu
Dla likvidacyi pryčyn maksimalna zadziejničany siły vytvorčaści «Minskvodapravod». Vykonvajucca rehłamientnyja raboty na sietki vodazabieśpiačeńnia jak na terytoryi horada, tak i za jaho miežami, u tym liku niepasredna na samich ačyščalnych zbudavańniach.
Na pieryjad praviadzieńnia rabot da damoŭ, ź jakich pastupali šmatlikija zvaroty z nahody pachu vady, arhanizavany padvoz pitnoj vady z padziemnych krynic u cysternach. Ciapier zadziejničanyja čatyry cysterny, jany znachodziacca na vulicach Jankoŭskaha, Rafijeva, Sucharaŭskaj i Jasienina.
U vypadku pastupleńnia zvankoŭ ad žycharoŭ horada ź inšych adrasoŭ bočki z vadoj nakirujuć i tudy. Kali spatrebicca, dla hetaha zadziejničajuć techniku inšych pradpryjemstvaŭ, paviedamlaje Minharvykankam.
Treba adznačyć, što žychary Sucharava ŭ razmovie z žurnalistami skardziacca, što datelefanavacca pa numarach u «Minskvodakanał», pa jakich možna zrabić zajaŭku pa pitnoj vadzie, praktyčna niemahčyma.
Niekatoryja žychary Sucharava nabirajuć vadu z krynicy, jakaja znachodzicca na vulicy Hareckaha, niedaloka ad doma №81, ludzi raskuplajuć pitnuju vadu ŭ kramach. Voś jak vyhladaje čarha.
Nie picie!
U MNS Biełarusi paviedamili, što Centram hihijeny i epidemijałohii taksama ŭziatyja proby — jak i Minskvodakanałam. Kali ŭ MNS budzie infarmacyja ab niebiaśpiecy, jany nieadkładna daduć ludziam kankretnyja rekamiendacyi.
Pakul ža rekamiendacyi ahulnyja: nie vykarystoŭvać vadu, kali jaje vyhlad ci koler abo pach adroźnivajucca ad zvykłaha.
-
«Pastavili na ličylnik jašče ŭ turmie». Ihar Karniej raskazaŭ, čym skončyłasia historyja z sudovymi vykanaŭcami i štrafami
-
87 rubloŭ zarobku i asablivyja ŭmovy dla niekatorych studentaŭ. Vykładčyk BDUIR źviarnuŭsia da Łukašenki
-
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?8
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary