Biełhazprambank adklučyŭ stvorany synam Babaryki servis MołaMoła, jaki źbiraŭ hrošy miedykam i achviaram represij
Siońnia, z 19:10 pačalisia pamyłki pa pieravodach aŭtaram kampanij na płatformie MołaMoła.
Mahčymaść ažyćciaŭlać apieracyi zabłakavanaja z boku banka, paviedamlaje servis. Rašeńnie ab błakavańni pryniata kiraŭnictvam banka.
«Kamanda MołaMoła budzie ciapier rabić usio mahčymaje, kab adnavić pracu sajta», — havorycca ŭ paviedamleńni.
MołaMoła pracavała ź Biełhazprambankam. Stvaralnik MołaMoła — Eduard Babaryka, syn byłoha kiraŭnika Biełhazprambanka Viktara Babaryki.
Płatforma viadomaja tym, što ź jaje dapamohaj było realizavana šmat kulturnych, vałanciorskich i hramadzianskich inicyjatyŭ.
Spynieńnie raboty servisu prachodzić na fonie siońniašnich pieratrusaŭ u ofisie Biełhazprambanka ŭ Minsku, jakim kiravaŭ patencyjny kandydat u prezidenty Viktar Babaryka. Tudy prybyli kala 50 siłavikoŭ u maskach.
Zaviedziena kryminalnaja sprava pa č. 2 art. 243 «Uchileńnie ad vypłaty sum padatkaŭ i zboraŭ u asabliva bujnym pamiery», č. 2 art. 235 «Lehalizacyja srodkaŭ, atrymanych złačynnym šlacham, u asabliva bujnym pamiery».
Siarod jaskravych niadaŭnich zboraŭ srodkaŭ praz MołaMoła była dapamoha zvolnienamu za palityku fielčaru chutkaj dapamohi ź Lidy, kali za dzień paŭtary tysiačy čałaviek sabrali bolš za 20 000 rubloŭ.
Akramia taho, za apošnija tydni kala 400 tysiač rubloŭ było sabrana na dapamohu miedykam i miedustanovam roznych rehijonaŭ krainy.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty6
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary