Ci byli značnyja falsifikacyi padčas padliku hałasoŭ na papiarednich prezidenckich vybarach?
«Ja vas zasmuču: nie. Značnych — nie. Ja nie vieru, što kali za mianie prahałasujuć 10%, to možna napisać, što 80%. I advarotnaje. Nie vieru, što kali za kahości prahałasujuć 80%, napišuć 5%. Ja prosta ŭ heta nie vieru.
Možna napisać nie 60%, a 70%. Nie 15%, a 10%. Ja ŭpeŭnieny ŭ prybliznaj dakładnaści. Chibnaść — nu, u miežach 20%.
Napeŭna, ja kryŭdžu mnohich, chto ŭdzielničaŭ, — chaj heta ličycca majoj naiŭnaściu, — ja nie vieru ŭ mahčymaść masavych falsifikacyj narodnaha hałasavańnia»,
— zajaviŭ patencyjny kandydat u prezidenty Viktar Babaryka na pres-kanfierencyi ŭ Minsku.
«Kali ludzi nie prahałasujuć za mianie, nu što zrobiš. U mianie jość svaja prahrama, u mianie jość svaja arhumientacyja, bačańnie prablemy. Ale kali jany buduć nie pierakanaŭčyja, to što zrobiš», — skazaŭ jon.
Adkazaŭ Babaryka i pra mahčymaść represij u adnosinach jaho prychilnikaŭ. Jak jon zmoža ich abaranić?
«Ja liču mifatvorčaściu masavyja represii», — ličyć jon.
«U našym štabie niama sakretaŭ, my nie zajmajemsia supraćpraŭnaj dziejnaściu, kab vyklikać represii.
Luby cisk budzie apublikavany. Usio kiepskaje baicca cieniu. My pasprabujem aśviatlić ciomnyja miescy.
Ja byŭ mieniedžaram 20 hod. Ja palaŭničy, u mianie jość patrony. Kali vy dumajecie, što za 20 hadoŭ u mianie niama kantrolu z KDB, heta śmiešna. U mianie byŭ kuratar z KDB u banku. 27 hod pad kaŭpakom. Ale ja nie viedaju, za jakija hrachi možna pasadzić. Strach u nas u hałovach», — skazaŭ jon.
«Nijakaha pieraśledu členaŭ štaba nie budzie, a kali budzie, my budziem źviartacca ŭ milicyju», — zapeŭniŭ Babaryka.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary