Minharvykankam pakazaŭ, jak ciapier vyhladajuć stancyi treciaj linii mietro FOTY
Da zapusku treciaj linii mietro ŭ Minsku zastajecca mienš jak dva miesiacy, na stancyjach viaducca adździełačnyja raboty. U Telegram-kanale Minharvykankama «Minsk. Aficyjna» pakazali, jak jany vyhladajuć na biahučym etapie budaŭnictva.
Na «Kavalskaj Słabadzie» paśla zaviaršeńnia adździełačnych rabot śpiecyjalisty zajmajucca mastackim afarmleńniem i naładkaj sistem biaśpieki, videanahladu.
Interjer stancyi vykanany ŭ ciomna-karyčnievych tonach z adcieńniem bronzy, stol — śvietłaha piasočnaha koleru. U viestybiuli i nad płatformaj ustanoviać dekaratyŭnyja kavanyja razietki. Ich raźmieściać asimietryčna vosi stancyi. Hranit na płatformie taksama vykładzieny ŭ styli asimietryi. Heta hałoŭnaje adroźnieńnie «Kavalskaj Słabady» ad astatnich stancyj, dzie prytrymlivalisia simietryi.
Asnovaj afarmleńnia i dekoru stancyi «Vakzalnaja» stała tema padarožžaŭ. Na płatformie ŭžo sabrali skulpturu «Dreva daroh», čakajecca jašče afarboŭka.
Asnoŭnyja kolery - čorny i bieły. U azdableńni viestybiula vykarystali šmat škła. Ciapier pačali ŭstanoŭku śviacilniaŭ. Navinka stancyi - travałatary ŭ dvuch pierachodach, jakija złučajuć «Vakzalnuju» sa stancyjaj «Płošča Lenina». Tut ustanavili čatyry darožki pa 50 m, a ŭ napramku nazad - try pa 180 m. U pasažyraŭ budzie vybar - pieraadoleć hetu adlehłaść pieššu albo z dapamohaj travałatara.
Na stancyi «Jubilejnaja płošča» taksama prachodziać adździełačnyja raboty. Ścieny pafarbavany ŭ čyrvony koler, lohkaści płatformie nadaje biełaja padviesnaja stol. Zastałosia ablicavać kałony — jany buduć bežavaha koleru. U piešachodnych pierachodach, jakija źviažuć stancyju z «Frunzienskaj», taksama ŭstanoviać travałatary, ale ŭžo nie takija vialikija, jak na «Vakzalnaj». Adzin daŭžynioj 24 m, a druhi - 45 m. Asobnych uvachodaŭ na stancyju nie praduhledžana. Trapić na jaje možna budzie praz «Frunzienskuju».
Hałoŭnaja asablivaść stancyi «Płošča Franciška Bahuševiča» ŭ tym, što tut naohuł niama leśvic. Trapić z padziemnaha pierachodu na płatformu pasažyry zmohuć tolki pa eskałatarach. Darečy, jany biełaruskaj vytvorčaści, vypuskajucca ŭ Salihorsku. Ścieny na stancyi šakaładnaha koleru, ablicoŭka kałon małočnaha adcieńnia. Vientšachty ŭpryhožać skulpturami «Tkacki stanok» i «Kniha biełaruskaja» z cytatami Franciška Bahuševiča.
«Asablivaść 3-j linii mietro — heta achoŭnyja ekrany z aŭtamatyčnymi dźviarami. Jany buduć adkryvacca adnačasova ź dźviarami pojezda, jaki prybyvaje», — źviarnuli ŭvahu ŭ Minharvykankamie.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary