«Padychod budzie indyvidualny». U Ministerstvie adukacyi patłumačyli, jak atestujuć školnikaŭ

Tyja dzieci, jakija zaraz nie chodziać na zaniatki pa zajavie baćkoŭ, mohuć być atestavany pa vynikach troch čverciaŭ. Jašče adzin varyjant — jany mohuć prychodzić u škołu ŭ subotu abo paśla zaniatkaŭ, kab nastaŭnik moh pravieryć ich viedy. Pra heta paviedamiła TUT.BY pieršy namieśnik ministra adukacyi Iryna Staravojtava.

Pavialičyć

Jak buduć atestavanyja tyja dzieci, jakija nie chodziać na zaniatki pa zajavie baćkoŭ?

Zaraz u škołach na hetaje pytańnie adkazvajuć pa-roznamu. Adny ŭstanovy adukacyi tłumačać, što hadavaja adznaka budzie vystaŭlacca tak: składuć adznaki za try čverci, vynikovuju ličbu padzielać na try, i siaredni bał stanie hadavoj adznakaj. Inšyja ŭstanovy kažuć: da acenak za try čverci dadaduć «nul» za čaćviortuju čverć i takim čynam vyvieduć hadavuju adznaku. A jak budzie nasamreč?

2 maja ŭ Ministerstvie adukacyi adbyłasia pramaja linija. TUT.BY datelefanavaŭsia da pieršaha namieśnika ministra Iryny Staravojtavaj, kab zadać hetaje pytańnie.

— Častka navučencaŭ, jakaja naviedvaje navučalnyja ŭstanovy va ŭstanovach ahulnaj siaredniaj adukacyi, budzie atestavanaja va ŭstanoŭlenym paradku. Nijakija źmieny ŭ narmatyŭna-pravavyja akty my nie ŭnosili, — kamientuje pieršy namieśnik ministra adukacyi Iryna Staravojtava.

— Što datyčycca navučencaŭ, jakija znachodziacca doma pa zajavie baćkoŭ, to dla ich nastaŭnikami-pradmietnikami davodzicca materyjał novych tem, jakija projdzieny na ŭrokach, chatnija zadańni. U hetym vypadku moža być arhanizavana zvarotnaja suviaź z nastaŭnikam.

Dla takoj katehoryi navučencaŭ za košt hadzin padtrymlivajučych zaniatkaŭ ustanaŭlivajecca čas, u jaki jany mohuć pryjści va ŭstanovu adukacyi. Čas moža być jak u šosty školny dzień, tak i paśla ŭrokaŭ. U prysutnaści piedahoha moža pravodzicca pravierka viedaŭ. Heta nieabchodna dla maksimalna abjektyŭnaha aceńvańnia viedaŭ navučenca.

— U vučnia pavinna być try adznaki pa pradmiecie, kab jamu vystavili čaćviartnuju?

— Tut pavinien być indyvidualny padychod: ci była arhanizavana zvarotnaja suviaź, ci vystaŭlalisia acenki padčas takoj pracy ci nie. Naturalna, što vyrašacca hetyja pytańni buduć na karyść i ŭ intaresach navučenca.

— Iryna Anatoljeŭna, a jak atestujuć tych dziaciej, jakija nie pryjduć na zaniatki ŭ subotu abo paśla ŭrokaŭ?

— Padychod budzie indyvidualny. Tut treba razhladać situacyju ŭ kožnym kankretnym vypadku. Usie dzieci buduć atestavanyja. Viadoma, my rekamiendujem, kab dzicia było atestavana i za čaćviortuju čverć. U vypadku, kali nie budzie mahčymaści vystavić adznaki za čaćviortuju čverć pa niejkaj pryčynie, tady adznaka vystaŭlajecca pa vynikach [sumy bałaŭ] za try čverci, dzielenaj na try.

— Heta i budzie hadavaja adznaka?

— Tak, — adkazvaje Iryna Staravojtava.

Na dniach niekatoryja škoły atrymali schiemu, jakaja tłumačyć, jak vystaŭlać za čverć i hadavyja adznaki ŭ hetym hodzie. U dakumiencie skazana: kali vučań nie chodzić na zaniatki pa zajavie baćkoŭ, to ŭ časopisie stavicca adznaka ab propusku. Za čaćviortuju čverć jon nie budzie atestavany, hadavaja adznaka vystaŭlajecca pa vynikach troch čverciaŭ.

— Bačyła hetuju schiemu ŭ internecie, ale adkul jana źjaviłasia i chto jaje raspracoŭščyk, u mianie takich źviestak niama, — adznačyła pieršy namieśnik ministra adukacyi Iryna Staravojtava.

• 0
• 0
• 0
• 0
• 0
• 0
• 0
• 0