Ź dziaržaŭnych kinateatraŭ zastajecca pracavać tolki «Biełaruś»
Sietka «KinoMinska» časova prypyniła pakazy filmaŭ u 12 kinateatrach, paviedamili karespandentu ahienctva «Minsk-Naviny» na pradpryjemstvie.
«Darahija hledačy, z-za pieranosaŭ bujnych kinarelizaŭ, a taksama ŭ suviazi z epidemičnaj situacyjaj i spadam hladackaj aktyŭnaści my pryniali rašeńnie skaracić kolkaść placovak dla demanstracyi kino», — paviedamlajecca na aficyjnym sajcie.
Praciahvaje pracavać tolki šmatzalny kinateatr «Biełaruś».
U sietcy «KinoMinska» padkreślivajuć: u kinateatry stvorany ŭsie ŭmovy dla biaśpieki hledačoŭ.
— My pavialičyli intervał pamiž sieansami, kab pravietryć kinazały i apracavać kresły admysłovymi dezynfiekcyjnymi srodkami, a ŭ faje ŭstalavali dazatary z antysieptykam dla ruk. Nami praduhledžana admysłovaja schiema prodažu kvitkoŭ (rassadžvańnia ŭ hladzielnaj zale), jakaja pavialičvaje adlehłaść pamiž hledačami padčas prahladu kinafilmaŭ, — adznačajuć na pradpryjemstvie.
Kamientary