Minułaj nočču ŭ reanimacyi Pinskaj rajonnaj balnicy pamior žurnalist sajta «Miedia-Poleśje», siabra Biełaruskaj asacyjacyi žurnalistaŭ Vasil Mackievič.
Pra heta BAŽ paviedamili rodnyja žurnalista.
Taksama redaktaru vydańnia Śviatłanie Harda patelefanavali ź Pinskaha centra hihijeny i epidemijałohii i pacikavilisia arhanizacyjaj pracy miedyja ŭ apošni čas. I choć žurnalisty pracavali addalena, skazali, što ŭsio roŭna buduć pravodzić dezynfiekcyju pinskaha ofisa, — paviedamlaje «Miedia-Poleśje».
Pra toje, što drenna siabie adčuvaje, žurnalist paviedamiŭ jašče 9 krasavika.
Byłaja žonka Iryna raspaviała pra padziei hetaj nočy.
— Vasil patelefanavaŭ mnie ŭ 4.33 i skazaŭ, što jaho zabiraje chutkaja dapamoha. Jon vielmi ciažka dychaŭ, nie moh havaryć. I paprasiŭ: «Bieražy Adama» (syna).
Pa słovach Iryny, test Vasilu zrabili 7 ci 8 krasavika.
Iryna stała šukać pad ranicu, kudy pakłali Vasila. Patelefanavała ŭ Małotkavickuju i Bresckuju abłasnuju infiekcyjnuju balnicy. Nidzie jaho nie było. Vyśvietliła praz chutkuju, što jon u Pinskaj centralnaj balnicy. «Čamu? U jaho ž karanavirus». Joj adkazali, što jana prydumlaje, u jaho pnieŭmanija. «I jašče nakryčali na mianie: navošta vy raspaŭsiudžvajecie niapravilnuju infarmacyju?».
Pra toje, što Vasil pamior u reanimacyi, Irynie paviedamiła siastra muža, Jaŭhienija.
Redaktaru sajta Śviatłanie Harda paćvierdzili fakt śmierci ŭ reanimacyi. Na pytańnie ab pryčynach śmierci adkazali, što heta ŭračebnaja tajamnica.
Syn Vasila, 18-hadovy Adam, jaki kantaktavaŭ z baćkam 3 dni tamu, źmieščany ŭ infiekcyjnuju balnicu ŭ Małatkovičach. Tut, pa słovach maci, jaho nakiravali ŭ asobnuju pałatu.
Vasilu Mackieviču było 46 hadoŭ.
Vykazvajem hłybokija spačuvańni rodnym i blizkim kalehi.
-
Biełarus chacieŭ padać zajavu na DNŽ u Polščy, ale pa pamyłcy adpraviŭ svoj pašpart u padatkovuju inśpiekcyju
-
Aryštavany hramadski aktyvist, šmatdzietny baćka Viktar Jaŭmienienka
-
KDB pryznaŭ ekstremisckim farmavańniem «Biełaruskuju nacyjanalnuju kaalicyju», a zahinułaha Mikitu Kryŭcova nazvaŭ adnym ź jaje arhanizataraŭ
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii18
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary