Na samicie kiraŭnikoŭ krainaŭ Jeŭrasajuzu ŭ Brusieli była zaćvierdžanaja prahrama «Ŭschodniaha partniorstva». U lik šaści krainaŭ, na jakija raspaŭsiudžvajecca prahrama, trapiła i Biełaruś.
Na samicie kiraŭnikoŭ krainaŭ Jeŭrasajuzu ŭ Brusieli była zaćvierdžanaja prahrama «Ŭschodniaha partniorstva». U lik šaści krainaŭ, na jakija raspaŭsiudžvajecca prahrama, trapiła i Biełaruś.Aproč nas va «Ŭschodniaje partniorstva» zaprasili Azierbajdžan, Armieniju, Hruziju, Małdovu i Ukrainu.
Aficyjna ŭ siłu prahrama ŭstupić 7 traŭnia na samicie ŭ Prazie. Pytańnie pra zaprašeńnie Łukašenki ŭ češskuju stalicu ŭsio jašče abmiarkoŭvajecca.
Jak adznačajecca ŭ Brusieli, hałoŭnaj metaj prahramy źjaŭlajecca ŭciahvańnie hetaj šaściorki krain u ekanamičnuju, palityčnuju i stratehičnuju śfiery ŭpłyvaŭ Jeŭrasajuzu.
Pavodle niekatorych jeŭračynoŭnikaŭ, udzieł Biełarusi, Ukrainy i Małdovy ŭ prahramie «Ŭschodniaha partniorstva» adkryvaje pierad krainami vydatnyja pierśpiektyvy siabroŭstva ŭ Jeŭrasajuzie. Kažučy inšymi słovami, udzieł u prahramie praduhledžvaje tuju ž stupień dačynieńniaŭ ź ES, jakimi ciešacca Narviehija, Lichtenštejn i Isłandyja. Jany majuć tyja ž pravy, jak i krainy‑siabry Jeŭrasajuzu, aproč supracoŭnictva ŭ ahrarnaj śfiery i prava hołasu.
Z časam krainam Uschodniaha partniorstva budzie prapanavany taksama biaźvizavy režym — na indyvidualnaj asnovie.
Prahrama «Ŭschodniaha partniorstva» była raspracavanaja letaś Polščaj i Šviecyjaj.
Kamientary