Karanavirus: u Italii prapanavali krytery, kaho buduć lačyć u pieršuju čarhu, kali miescy ŭ špitalach skončacca
Italjanskaja asacyjacyja reanimatołahaŭ i anestezijołahaŭ (Società italiana di anestesia, analgesia, rianimazione e terapia intensiva Siaarti) prapanavała vypracavać dakładnuju hradacyju pryjarytetaŭ dopusku pacyjentaŭ u špitali i ŭ adździaleńni reanimacyi. Hetaja prapanova z 15 punktaŭ zroblenaja na vypadak, kali mahčymaści italjanskich ustanoŭ achovy zdaroŭja buduć vyčarpanyja, piša partał La Repubblica. Prapanujecca ŭvieści praviły nadzvyčajnaj situacyi, jakija b addavali pieravahu pacyjentam 1) z bolšaj imaviernaściu vyžyvańnia i 2) z daŭžejšaj patencyjnaj praciahłaściu ŭratavanaha žyćcia.
Struktury achovy zdaroŭja Italii prahnazujuć, što ŭ bližejšyja tydni ŭ niekatorych rehijonach krainy moža być pieravyšany paroh kolkaści chvorych, jakich špitali ŭ stanie pryniać.
Kamisar pa baraćbie z karanavirusam Hramadzianskaj abarony Italii, jaki staŭ adnoj z samych miedyjnych postaciaŭ krainy za apošnija tydni, 7 sakavika zaklikaŭ italjancaŭ časova źmianić ład žyćcia, kab strymać epidemiju.
Pa stanie na 7 sakavika, u Italii ad karanavirusa pamierli 233 čałavieki, jašče 567 znachodziacca ŭ ciažkim stanie. Usiaho ŭ krainie vyjavili bolš za 5000 chvorych na karanavirus. Ułady krainy abviaścili pra zabaronu ŭjezdu i vyjezdu z šerahu hustanasielenych pravincyj.
Kamientary