MUS: Amal va ŭsich škołach užo jość videanazirańnie. Ź ciaham času mohuć źjaviacca i achoŭniki
U kancy minułaha hoda supracoŭniki terytaryjalnych AUS abśledavali bolš za 2,8 tysiač škoł i himnazij, a taksama prylehłyja da ich terytoryi. Jany pravieryli, nakolki harantujecca biaśpieka dziaciej. Vyniki paviedamlaje viedamasnaje vydańnie MUS «Na stražie», piša Tut.by.
«U liku častych niedachopaŭ — adsutnaść zaporna-pierahavornych pryład na ŭvachodach (vychadach). Pakul imi abstalavana nievialikaja častka škoł, ale sumiesnaja praca z pradstaŭnikami śfiery adukacyi ŭ hetym kirunku praciahvajecca», - raspavioŭ Siarhiej Jankoŭski.
Što tyčycca sistem videanazirańnia i ručnych sistem tryvožnaj sihnalizacyi, to hetaja zadača vyrašajecca «ŭdarnymi tempami», piša vydańnie.
U Minskaj vobłaści tolki ŭ 4 z 512 škoł niama videanazirańnia, a ŭ Bresckaj - niama ŭ 6 škołach z 510. U astatnich abłaściach kamierami asnaščany ŭsie škoły i himnazii.
Jak adznačyli ŭ MUS, jany razam ź Ministerstvam adukacyi praciahnuć abstaloŭvać škoły sistemami videanazirańnia, elektronnymi sistemami kantrolu i kiravańnia dostupam starońnich (turnikiety, damafony), tryvožnymi knopkami, a taksama stacyjanarnymi i partatyŭnymi mietaładetektarami.
Bolš za toje, nie vyklučajecca «mahčymaść paetapnaha pierachodu na achovu ŭstanoŭ adukacyi siłami supracoŭnikaŭ Departamienta achovy».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy20
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary