Ministr zdaroŭja: Biełaruskija miedyki majuć reaktyvy dla vyjaŭleńnia novaha štamu karanavirusa
Biełaruskija miedyki majuć reaktyvy dla vyjaŭleńnia karanavirusa 2019-nCoV, jaki raspaŭsiudžvajecca ŭ śviecie. Pra heta zajaviŭ žurnalistam ministr achovy zdaroŭja Biełarusi Uładzimir Karanik, piša BIEŁTA.
«Ciapier my atrymali ŭsie reaktyvy, jakija dazvalajuć vyjaŭlać mienavita hety virus 2019 hoda — novy štam, jaki byŭ znojdzieny ŭ KNR», — skazaŭ ministr.
Jon adznačyŭ, što ŭ častcy prafiłaktyki zavozu virusa ŭ krainu zroblenyja ŭsie nieabchodnyja zachady. U aeraporcie sustrakajuć ź ciepłavizaram, jaki dazvalaje vyjavić pasažyraŭ ź pieravyšeńniem tempieratury cieła i prykmietami infiekcyjnaha zachvorvańnia. Uzmocniena rola sanstancyi, jakaja dziažuryć u aeraporcie. «Našy łabaratoryi atrymali test-sistemu, jakaja dapamahaje dyjahnastavać novy štam virusa, kab my mahli svoječasova i apieratyŭna stavić dyjahnaz», - zajaviŭ Uładzimir Karanik.
Jon paćvierdziŭ, što ŭ dziaŭčyny, jakaja pryjechała napiaredadni z Kitaja, dyjahnastavany hryp V, a nie karanavirus.
«My paćviardžajem, što ŭčora ŭ infiekcyjnuju balnicu była špitalizavana dziaŭčyna sa skarhami na pavyšeńnie tempieratury da 38,5 hradusa, z bolami ŭ myšcach i prykmietami reśpiratornaj infiekcyi. Jana naviedvała Šanchaj. Byli pryniaty ŭsie supraćepidemijałahičnyja mierapryjemstvy. Dziaŭčyna źmieščana ŭ asobny boks, praviedziena łabaratornaje testavańnie. Joj pastaŭleny dyjahnaz «virus hrypu, siarednieciažkaje ciačeńnie». Dyjahnaz karanavirusnaj infiekcyi nie paćvierdziŭsia», — skazaŭ ministr.
Minzdaroŭja: U dziaŭčyny, što viarnułasia z Kitaja i była špitalizavana ŭ infiekcyjnuju balnicu, hryp B
Biełaruskija pahraničniki: Nadziavajem maski pry praviercy rejsaŭ z Kitaja
Kitajskija vajskoŭcy błakavali horad Uchań u suviazi z novym virusam
Kitaj začyniŭ druhi horad z-za karanavirusa
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary