Śviata, pryśviečanaje hieroju kultavaj knihi, ładzicca adnačasova pa ŭsim śviecie.
Noč Hary Potera pačało pravodzić brytanskaje vydaviectva Bloomsbury ŭ 2015 hodzie. Z taho času štohod u mahiju čaroŭnaha śvietu chłopčyka Hary akunajecca ŭsio bolš i bolš ludziej ź dziasiatkaŭ krain. Sioleta da ich liku dałučycca i Biełaruś. Nahodaj dla praviadzieńnia hetaha śviata ŭpieršyniu ŭ Minsku stała vydańnie biełaruskaha pierakładu knihi «Hary Poter i fiłasofski kamień».
Noč Hary Potera projdzie 6 lutaha ŭ kulturnym chabie OK16 (vuł. Kastryčnickaja, 16). Uvachod budzie volny. Padčas śviatkavańnia zapłanavany dźvie prahramy — dla dziaciej i padletkaŭ z 15.00 pa 18.00, dla darosłych z 19.00 pa 22.00. Udzielnikaŭ čakajuć čaroŭny kapialuš, hulnia ŭ hihanckija šachmaty i kvidyč, konkursy, fotazony, a taksama ślivačnaje piva. I kaniečnie, padarunki. A samyja aktyŭnyja naviedvalniki zmohuć stać pieramožcami Turnira troch čaraŭnikoŭ. Siarod haściej u kaściumach razyhrajuć dadatkovyja pryzy.
Atmaśfieru śviata buduć stvarać kaspłejery z fandoma «Harry Potter Biełaruś».
Mierapryjemstva adbudziecca dziakujučy padtrymcy Pasolstva Vialikabrytanii ŭ Biełarusi pry ŭdziele vydaviectva «Januškievič».
U arhanizacyi taksama pryniali ŭdzieł TAA «Aŭtaideja», Biełaruskaja fiederacyja šachmat i TAA «Škoła šachmat», Kłub anhlijskaj movy «Małbiery Kłab», TAA «Enierhija», TAA «Rystreta», Šalony Knyr i Party Rent.
Hary Poter — hieroj kultavaj sieryi brytanskaj piśmieńnicy Dž.K. Roŭlinh, jakaja naličvaje siem knih. U ich raskazvajecca pra dziesiacihadovaha chłopčyka z čaroŭnymi zdolnaściami. Pa-anhlijsku pieršaja kniha vyjšła ŭ 1997 hodzie. Ramany pra Hary Potera pabili mnostva rekordaŭ i atrymali vialikuju kolkaść uznaharod. Lubimaja prychilnikami va ŭsim śviecie sieryja knih była pradadziena ahulnaj kolkaściu bolš za 500 miljonaŭ asobnikaŭ, pierakładzienaja na bolš jak 80 moŭ, pa joj źniata vosiem filmaŭ-błokbastaraŭ.
Biełaruski pierakład ramana «Hary Poter i fiłasofski kamień» źjaviŭsia ŭ vydaviectvie «Januškievič» u śniežni minułaha hoda.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary