«Šery kot» nie vyjšaŭ na volu: jaho pasadzili jašče na 15 sutak
Aktyvist «Jeŭrapiejskaj Biełarusi» błohier Źmicier Kazłoŭ, viadomy pad psieŭdanimam «Šery kot», 9 studzienia mieŭ vyjści na volu paśla 15 sutak aryštu za akcyi pratestu suprać pahłybleńnia intehracyi Biełarusi i Rasii. Adnak jaho aryštavali jašče na 15 dzion, piša Radyjo Svaboda.
Źmicier Kazłoŭ pierastaŭ vychodzić na suviaź 26 śniežnia. Jaho pavinny byli sudzić 30 śniežnia ŭ sudzie Leninskaha rajona Minska, ale ŭ toj dzień vyśvietliłasia, što błohiera zatrymali 25-ha i pasadzili na niejki termin u izalatar u Oršy. Zatym vyśvietliłasia, što aryšt budzie doŭžycca 15 sutak.
9 studzienia jon nia vyjšaŭ na volu. Spačatku pravaachoŭniki admovilisia davać źviestki pra Kazłova. U Aršanskim izalatary časovaha ŭtrymańnia adkazali padpisantcy jahonaha kanała Łarysie Piatrovič, što Kazłoŭ vyjdzie na volu 24 studzienia.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary