Try miesiacy mužčyna prysvojvaŭ vyručku: bolš za $8000 syšło na zabavy i kazino
U Słonimie adździeł pa baraćbie z ekanamičnymi złačynstvami vyjaviŭ bujnuju rastratu ŭ adnoj z kram pa prodažy aŭtazapčastak. Śledčyja orhany raspačali kryminalnuju spravu, a padazravanym pryznali 28-hadovaha zahadčyka handlovaha abjekta, piša Źviazda.
Małady čałaviek uładkavaŭsia na rabotu ŭ krasaviku, a ŭžo ŭ žniŭni advažyŭsia na złačynstva. U pryvatnaści, jon pačaŭ pradavać aŭtamabilnyja detali «mima kassy», a niaŭličanuju vyručku zabiraŭ sabie i pačaŭ vydatkoŭvać na zabavy, u tym liku ŭ ihralnych ustanovach. U siarednim padazravany prysvojvaŭ u kancy rabočaha tydnia kala 300 rubloŭ, a časam u razy bolš, paviedamlaje MUS.
U listapadzie kiraŭniki handlovaj sietki zapadozryli, što ich mohuć padmanvać: tavar rehularna pastaŭlaŭsia ŭ kramu, ale faktyčna nie pradavaŭsia. Pa raźlikach haspadaroŭ, pry takich umovach zapčastki ŭžo niama dzie było b zachoŭvać. Intuicyja nie padviała: padčas pravierki handlovaha abjekta śpiecyjalisty vyjavili niastaču, jakaja da taho času skłała kala 16 350 rubloŭ.
Vyniki revizii byli nakiravanyja ŭ pravaachoŭnyja orhany, paśla čaho supracoŭniki miascovaha adździeła pa baraćbie z ekanamičnymi złačynstvami vyjavili afioru i nakiravali materyjały pravierki śledčym dla dačy pravavoj acenki dziejańniam fihuranta.
Viadoma, što padazravany ŭžo kampiensavaŭ škodu. Raniej mužčyna nie pryciahvaŭsia da kryminalnaj i administracyjnaj adkaznaści.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary