Tramp zajaviŭ pra mahčymaść novaj damovy z Rasijaj pa jadziernaj zbroi
Prezident ZŠA Donald Tramp pa vynikach pieramoŭ z prezidentam Francyi Emaniuelem Makron ŭ brytanskaj stalicy zajaviŭ ab mahčymaści dasiahnieńnia damoŭlenaści z Rasijaj u śfiery jadziernaha razzbrajeńnia, piša tass.ru.
«Što tyčycca jadziernaj zbroi, ja havaryŭ z prezidentam Pucinym, my ŭ kantakcie ź im. My chočam, i jon vielmi choča, zaklučyć niejkaje jadziernaje pahadnieńnie, jakoje na niejkim etapie, mahčyma, uklučyć Kitaj i inšyja krainy», - skazaŭ Tramp.
«My vyjšli z damovy [pa RSMD], pakolki jana nie vykonvałasia inšym bokam, adnak u Rasii chočuć zaklučyć damovu i taho ž chočam my. Dumaju, u nas vyjdzie vielmi dobra. Ščyra kažučy, heta adna z samych važnych zadač, jakuju my možam vykanać razam», - skazaŭ Tramp.
«My majem namier pahladzieć, ci možam niešta vypracavać, kab spynić pašyreńnie jadziernaj zbroi», - dadaŭ Tramp.
2 žniŭnia pa inicyjatyvie Vašynhtona spyniena dziejańnie Damovy ab likvidacyi rakiet siaredniaj i mienšaj dalokaści. ZŠA patłumačyli rašeńnie admovaj Rasii źniščyć novyja kryłatyja rakiety typu 9M729, jakija, na dumku NATA, parušajuć pałažeńni damovy. Maskva zajaŭlała, što techničnyja charaktarystyki rakiet znachodziacca ŭ miežach dazvolenych damovaj paramietraŭ, i vyłučała Vašynhtonu sustrečnyja pretenzii.
Ciapier čytajuć
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca9
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1313
Kamientary