Na sajcie Centrvybarkama źjaviŭsia śpis 8 čałaviek, vyłučanych ad Viciebščyny ŭ skład novaha Savieta Respubliki. Farmalna ich abiaruć tolki 7 listapada, adnak vybary buduć biezalternatyŭnymi.
Loźnienski, Haradocki, Šumilinski i Viciebski rajony zmoža pradstaŭlać rektar Viciebskaha dziaržaŭnaha miedycynskaha ŭniviersiteta doktar miedycynskich navuk Anatol Ščasny. Jon zaraz źjaŭlajecca dziejučym členam Savieta Respubliki. U Viciebsku prapanavali kandydaturu dyrektara teleradyjokampanii «Viciebsk» Aleny Panciuchovaj.
Aršanski i Dubrovienski rajony moža pradstavić Juryj Dziarkač. Jon doktar miedycynskich navuk i ŭžo amal dziesiać hadoŭ kiruje sistemaj achovy zdaroŭja Viciebskaj vobłaści. Upieršyniu ŭ śpis udzielnikaŭ kampanii ŭvajšoŭ staršynia Navapołackaha harvykankama Dźmitryj Dziamidaŭ. Jon staŭ kandydatam ad Navapołacka i Rasonaŭ.
U śpisie pretendentaŭ taksama načalnik hałoŭnaha ŭpraŭleńnia handlu i pasłuh abłvykankama Iryna Laŭkovič. Jaje kandydaturu padtrymali ŭ Biešankovičach, Sianno, Čašnikach i Tałačynie. Hłybocki, Dokšycki, Lepielski i Ušacki rajony ŭ vierchniaj pałacie parłamienta moža pradstavić deputat abłasnoha Savieta deputataŭ, načalnik rehijanalnaj dyrekcyi pa Viciebskaj vobłaści AAT «Biełahraprambank» Aleh Žynhiel.
Taksama ŭ lik udzielnikaŭ kampanii ŭvajšli hienieralny dyrektar KUP «Viciebskabłdarbud» Uładzimir Maćviejeŭ (Brasłaŭski, Miorski, Pastaŭski i Šarkaŭščynski rajony) i dyrektar Połackaha kaledža Viciebskaha dziaržuniviersiteta imia P.M.Mašerava Taćciana Pałuškina (ad Połackaha i Vierchniadźvinskaha rajonaŭ).
Kamientary